«Aılyq ala almaı, nesıe alýǵa májbúrmiz»: Almatydaǵy Qazbilim Ulttyq lıeıiniń muǵalimderi málimdeme jasady

Kollaj: Stan.kz

Almatydaǵy Qazbilim Ulttyq lıeıindegi qyzmetkerler jalaqylaryn ala almaı jatqanyn aıtyp, shý shyǵardy, dep jazdy qandastar.kz

Bul týraly Stan.kzaqparat agenttigi habarlaıdy.

Redakııamyzǵa jekemenshik mekteptiń oqytýshylary shyǵyp, sońǵy bir jylda jalaqylaryn ýaqytyly ala almaı júrgenin aıtty. Olar attaryn atamaýdy jón kórip, anonımdi túrde áńgimelesti. Osy máseleniń kesirinen keıbir qyzmetkerler qysymǵa ushyrap, otbasynda túrli máselege tap bolǵan kórinedi.

“Jumystan shyqsaq, eńbek kitapshamyzǵa negatıv pikir jazyp bermek”             

“Mekteptiń atyna kir keltirý oıymyzda joq. Eńbekaqymyzdy ala almaı otyrǵasyn, ádiletsizdikke shydamadyq. Keıbir adamdar “Nege shyǵyp ketpediń?” dep jazypty. Jyl ortasynda bizdi kim jumysqa alady?! Odan keıin jumys berýshiniń “Eńbek kitapshalaryńa synaqtan ótpedi” dep jazyp beremiz” dep qorqytqanyn da estidik” – dedi lıeı qyzmetkeri.

Odan keıin taǵy bir ortalyq qyzmetkeri áriptesteriniń aılyq ala almaǵasyn nesıege kirip ketkenin de jasyrmady.

“Áriptesterimiz eńbekaqysyn ala almaǵasyn nesıege batty”

“Bizge qysym kóp bolady. Osyndaı jaǵdaıda keıbir áriptesterimiz únsiz qaldy. 70 muǵalimnen 7 muǵalimniń shyqpaǵany ókinishti. Bul shý eki jyldan beri bar. Muǵalimderdiń shydamy osy kúnge deıin ǵana jetti. Áriptesterimiz eńbekaqasyn ala almaǵasyn nesıe alyp ketti. Tipti, nesıeni nesıemen jaýyp otyrǵandar da bar. Aılyqqa deıin qaryz aqsha alǵan qanshama áriptesterimizdi bilemiz. Kóligi bar qyzmetkerler taksıst bolyp ketti. Áleýmettik tólemder de túspegen. Barlyq jaýapkershilikti mınıstrlikke artyp qoıdy. Biz kelisimshartty lıeı basshysymen jasadyq. MÁMS-te túspegen. Aýrýhanaǵa tekserile de almaısyń. Aqyly tekserilýge de aqsha joq. Eki jyldan beri mınıstrlik bermeı kelse, basshy retinde sheshimin tappaı ma?! Odan keıin ekinshi jumys isteýge ýaqyt joq. Tańǵy 8-den 16.30-ǵa deıin júremiz. Keıbir áriptesterimiz keshki 7-ge deıin júredi. О́tken jyly aılyq 10-15 kúnge keshikse, bıyl eki aıǵa deıin sozylyp ketti. Mynadaı jaǵdaı bolǵan. Bir kúni 15 muǵalim hat jazyp, basshylyqqa eskertip, jumysqa shyqpaı qoıdy. Sebep – aılyqty keshiktirý. Sol kúngi aqshalaryn qıyp tastady. Sharshadyq shyny kerek”, – deıdi lıeı oqytýshysy.

Muǵalimniń sózinshe, keı kezde ne úshin aqsha kerek ekenin dáleldeıtin jaǵdaı da kezdesken.

                   “100 myń teńge aýdarǵanyn basqa áriptesterimiz bilmeýi kerek”

“Biz tek aılyqqa qatysty másele kóterdik. Qalǵan máseleler týraly jaq ashpaımyz. Aıtpaqshy, aqsha kerek ekenin dáleldeıtin kezder de bolǵan. “Anamnyń týǵan kúni”, “Páter ıesi qýyp jatyr”, “Nesıe tóleıtin kúnim” dep dálel usynamyz, sosyn bizge 100 myń teńge aýdarady. Ony biraq basqa áriptesterimiz bilmeýi kerek. Oqýshylarymyz jetistikke jetip jatyr. Biraq muǵalimderdiń eńbekaqysyn bermeı otyr. Muǵalimderdiń arqasynda oqýshylar joǵary nátıje kórsetip otyr. 30 mamyrda eńbek demalysyna shyqqan áriptesterimizdiń aqshasyn áli túsirgen joq. Másele aqshany berý nemese bermeýde emes, báribir berýge tıis. Biraq mańyzdysy – ýaqtyly berý. Sebebi osy aılyqpen qanshama adam otbasyn asyrap otyr”, – deıdi mektep qyzmetkeri.

Stan.kz tilshisi ortalyq basshysy Aıatjan Ahmetjanulyna habarlasyp, istiń aq-qarasyn ajyratý maqsatynda pikir surady.

“Meniń qol astymda 430-ǵa jýyq muǵalim bar. Olardyń jalaqylary 180 mıllıon teńgege jýyqtaıdy. Bir ǵana Gúlnazdyń máselesi emes. Tipti, áldekimderdiń qoldan qozdyrýy sııaqty. Mınıstrlik bizge mıllıondap aqsha qaryz.  2023 jylǵy qarasha aıynan beri Oqý-aǵartý mınıstrligi jekemenshik mektepterdi “sorlatyp” otyr. Kelisimshart boıynsha mınıstrlikke qarasty qarjy ortalyǵy lıenzııa alǵan soń, oqýshy sany boıynsha aı saıyn jan basyna qarjylandyrý júrgizip, jylyna 9 aı qarjy tóleıdi. Bul qarjyny barlyq mektepter alady. Keıde mınıstrlik qarjy bermegen jaǵdaıda muǵalimderdiń aqshasyn óz qaltamnan da, demeýshilerdiń kómegimen de tólegen kúnder bolǵan. Áli kúnge deıin rettep júrmin. Kóp jeke mektepter demalys pen saýyqtyrýdy da tólemeıdi. Tolyq tóleıtin bir mektep bolsa, ol – bizdiń mektep”, – dep jaýap berdi Aıatjan Ahmetjanuly.