Aımaǵambetov aıtqanyn oryndady: Reabılıtaııalyq ortalyqtardyń qyzmet tarıfi ulǵaıdy

Foto: ashyq derekkóz

Májilis depýtaty Ashat Aımaǵambetov Facebook áleýmettik paraqshasynda áleýmettik ortalyqtyń máselesin kóterdi, dep habarlady Qandastar.kz.

Depýtat kóktemde Ulttyq balalardy ońaltý ortalyǵyna baryp, balalarǵa sapaly reabılıtaııalyq kómek kórsetý úshin qarjylandyrýdyń jetispeýshiligi úlken másele ekenin anyqtaǵanyn jazǵan.

Ortalyq dárigerleri jáne mamandarymen kezdesýde olardyń kúndelikti jumysta qandaı qıyndyqtarǵa tap bolatynyn egjeı-tegjeıli talqylaǵanyn atap ótti.

– Olardyń aıtqandarynyń ishinde eń ózektisi – balalardy tolyqtaı qamtý úshin qajetti qarjylyq jáne materıaldyq resýrstardyń jetkiliksizdigi edi. Osy sapardan keıin biz bul máselege erekshe nazar aýdaryp, Densaýlyq saqtaý mınıstrliginiń aldyna qoıdyq. Medıınalyq qyzmetterge bólinetin bıýdjettik tarıfterdi kóterýdiń asa mańyzdy ekeni aıdan anyq boldy. Nátıjesinde, bizdiń tabandylyǵymyz ben Densaýlyq saqtaý mınıstrligimen birlesken jemisti jumysymyzdyń arqasynda bul másele sheshimin tapty. Aıtyldy-oryndaldy. 1 qazannan bastap, reabılıtaııalyq ortalyqtar úshin qyzmetter tarıfi 12%-ǵa ulǵaıdy, – dep jazdy depýtat.

Bul sheshim balalardyń ońaltý qyzmetterine qol jetkizý múmkindigin arttyryp, sapany jaqsartýǵa múmkindik beredi. Endi Ulttyq ortalyq pen basqa da reabılıtaııalyq mekemeler qosymsha qarjylandyrýǵa ıe bolyp, kóbirek balany emdeýge jaǵdaı jasamaq. Al medıınalyq qyzmetkerler óz mindetterin tıimdirek atqara alady.

Jaǵdaı qalaı ózgeredi? Tarıfterdiń ulǵaıýy jáne qosymsha qarjylandyrý arqasynda ortalyqtar aldaǵy aılarda kóbirek paıentterdi qabyldap, kezekterdi qysqarta alady. Sondaı-aq, reabılıtaııalyq qyzmetterdiń sapasy da jaqsarady. Bul sharalar balalarǵa qajetti kómek kórsetýdiń qoljetimdiligin arttyryp, olardyń densaýlyǵyn nyǵaıtýǵa oń yqpal etedi.

– Biz balalardyń reabılıtaııasyna qatysty áli de kóptegen máseleler bar ekenin bilemiz, sondyqtan bul baǵyttaǵy jumysymyzdy jalǵastyra beremiz, – dep túıindedi A.Aımaǵambetov.