ايماعامبەتوۆ ماڭعىستاۋداعى بالالار ۋلانعان مەكتەپ ديرەكتورىمەن تۋىستىعىنا قاتىستى پىكىر ءبىلدىردى

فوتو:t.me/aimagambetov

بۇرىنعى ءبىلىم ءمينيسترى, پارلامەنتى ءماجىلىسىنىڭ دەپۋتاتى اسحات ايماعامبەتوۆ ماڭعىستاۋ وبلىسى بەسشوقى اۋىلىنداعى مەكتەپ ديرەكتورىمەن تۋىستىق قاتىناسى جوققا شىعاردى. بۇل تۋرالى Stan.kz اقپارات اگەنتتىگى حابارلايدى.

باق بەتتەرىندە ماڭعىستاۋ وبلىسى بەسشوقى اۋىلىنداعى 300 وقۋشى ۋلانعان مەكتەپ ديرەكتورىنىڭ اسحات ايماعامبەتوۆپەن تۋىستىق قاتىناسى بولۋى مۇمكىن دەگەن اقاپارات تارادى. ەكس-مينيستر بۇل اقپاراتتىڭ شىندىققا جاناسپايتىنىن ايتتى.

“قىزىق, مەنىمەن تەكتەس قانشا ادام بارا ەكەن? ەگەر ولاردىڭ بارلىعىن مەنىڭ تۋىستارىم دەپ ەسەپتەيتىن بولساق, وندا كەز كەلگەن ماسەلەدە وسى تۋرالى جازۋعا بولادى. سوندا ءار تاقىرىپ وزگەشە تۇرلەنىپ كەتەدى. مىسالى, ماڭعىستاۋداعى جاعداي تۋرالى جازعان ءبىر باسىلىم ونداعى مەكتەپ ديرەكتورىن مەنىڭ «تۋىسىم» دەپ كورسەتكەن. مەن مۇنداي ادامدى ءبىرىنشى رەت ەستىپ تۇرمىن. ەندى ولاردى شەجىرەگە قوسۋ كەرەك بولدى”, – دەپ جازدى ايماعامبەتوۆ.

ءماجىلىس دەپۋتاتى ءبىلىم بەرۋ سالاسىنداعى باسشىلىق قىزمەتتە ەشقانداي تۋىسى جوعىن ايتتى. ول ماڭعىستاۋدا بولعان جاعدايعا قاتىستى بالالار مەن اتا-انالارعا قولداۋ ءبىلىدىرىپ, تەزىرەپ ساۋىعىپ كەتۋىن تىلەدى.

ەسكە سالايىق, بۇعان دەيىن ماڭعىستاۋ وبلىسىندا بەسشوقى اۋىلىنداعى №8 مەكتەپتە وقۋشىلار جاپپاي تاماقتان ۋلانىپ قالعانىن جازدىق. دەرەكتەرگە سەنسەك, مەكتەپ اسحاناسىنا بارعان 1-4-سىنىپ وقۋشىلارى زارداپ شەككەن. زارداپ شەككەن قىزدىڭ تۋىستارىنىڭ ايتۋىنشا, جەرگىلىكتى اۋرۋحاناعا بارعان كەزدە ول جاقتا كەزەكتە 50-دەن استام بالا بولعان. كورشى ماڭعىستاۋ اۋىلىنىڭ مەديتسينالىق مەكەمەسى 35-40 وقۋشىنى باقىلاپ, كەيبىر زارداپ شەككەندەردى اقتاۋداعى وبلىستىق بالالار اۋرۋحاناسىنا جىبەرگەن.