Aımaǵambetov Mańǵystaýdaǵy balalar ýlanǵan mektep dırektorymen týystyǵyna qatysty pikir bildirdi

Foto:t.me/aimagambetov

Burynǵy bilim mınıstri, parlamenti májilisiniń depýtaty Ashat Aımaǵambetov Mańǵystaý oblysy Besshoqy aýylyndaǵy mektep dırektorymen týystyq qatynasy joqqa shyǵardy. Bul týraly Stan.kz aqparat agenttigi habarlaıdy.

BAQ betterinde Mańǵystaý oblysy Besshoqy aýylyndaǵy 300 oqýshy ýlanǵan mektep dırektorynyń Ashat Aımaǵambetovpen týystyq qatynasy bolýy múmkin degen aqaparat tarady. Eks-mınıstr bul aqparattyń shyndyqqa janaspaıtynyn aıtty.

“Qyzyq, menimen tektes qansha adam bara eken? Eger olardyń barlyǵyn meniń týystarym dep esepteıtin bolsaq, onda kez kelgen máselede osy týraly jazýǵa bolady. Sonda ár taqyryp ózgeshe túrlenip ketedi. Mysaly, Mańǵystaýdaǵy jaǵdaı týraly jazǵan bir basylym ondaǵy mektep dırektoryn meniń «týysym» dep kórsetken. Men mundaı adamdy birinshi ret estip turmyn. Endi olardy shejirege qosý kerek boldy”, – dep jazdy Aımaǵambetov.

Májilis depýtaty bilim berý salasyndaǵy basshylyq qyzmette eshqandaı týysy joǵyn aıtty. Ol Mańǵystaýda bolǵan jaǵdaıǵa qatysty balalar men ata-analarǵa qoldaý bilidirip, tezirep saýyǵyp ketýin tiledi.

Eske salaıyq, buǵan deıin Mańǵystaý oblysynda Besshoqy aýylyndaǵy №8 mektepte oqýshylar jappaı tamaqtan ýlanyp qalǵanyn jazdyq. Derekterge sensek, mektep ashanasyna barǵan 1-4-synyp oqýshylary zardap shekken. Zardap shekken qyzdyń týystarynyń aıtýynsha, jergilikti aýrýhanaǵa barǵan kezde ol jaqta kezekte 50-den astam bala bolǵan. Kórshi Mańǵystaý aýylynyń medıınalyq mekemesi 35-40 oqýshyny baqylap, keıbir zardap shekkenderdi Aqtaýdaǵy oblystyq balalar aýrýhanasyna jibergen.