مادەنيەت
اينۇر تۇرسىنباەۆا جەكە كومپانيا اشتى
فوتو: اشىق دەرەككوز
ايتىسكەر اقىن اينۇر تۇرسىنباەۆا «SAAD» وتاندىق جەلىلىك ماركەتينگ كومپانياسىن اشتى, دەپ حابارلايدى qandastar.kz
اقىننىڭ دوسى بالعىنبەك يماشوۆتىڭ ايتۋىنشا, كومپانيانىڭ قۇرىلتايشىلارى تۇرسىنباەۆانىڭ ءبىر تۋعان باۋىرلارى.
«تۇڭعىش وتاندىق جەلىلىك “SAAD” كومپانياسىنىڭ قۇرىلتاي̆شىلارى — ءبىر تۋعان باۋىرلار دارحان, ارداق, اي̆نۇر! بۇگىن ۇلكەن وقيعا: الماتىداعى بالۋان شولاق اتىنداعى سپورت ساراي̆ىندا جاڭا كومپانيانىڭ تۇساۋكەسەرى وتۋدە. اتا-اناسىن شىعارىپ باتاسىن الۋى, الاتاۋ سەرىلەرىنىڭ رۋحتى انىمەن كەشتىڭ باستالۋى سونداي̆ ورىندى ءارى تاعىلىمدى بولدى. تامارا اساردىڭ اندەرى وسى كەشتىڭ شىراي̆ى, ءسانى مەن سالتاناتى بولدى. سااد كومپانياسى — مىڭداعان ادامدارعا تابىس كوزى, جۇزمىڭداعان ادامدارعا ساپالى ءونىم, ميلليوندارعا دەنساۋلىق پەن سۇلۋلىق سىي̆لاي̆تىن مۇمكىندىك دەپ سەنەمىز. ەكونوميكامىزعا پاي̆دالى, ياعني, ميللياردتاعان دوللارلار شەتكە كەتپەي̆دى, كەرىسىنشە, سىرتتان ۇلكەن قارجىلاردىڭ قۇيۋلۋىنا سەبەپ بولماق.
قازاقتىڭ ەكى مىقتى قىزى — ارداق پەن اي̆نۇر بىرىگىپ دارحان باۋىرىن قولداسا, بۇل ۇشتىكتىڭ الماي̆تىن اسۋى, قوپارماي̆تىن تاۋى قالماي̆دى دەپ سەنەم. اللا جار بولسىن, اي̆نۇر دوسىم! مەن سەنىڭ ءار باستاماڭا تىلەكشى ءارى قولداۋشىمىن!», — دەپ جازدى ول.
اينۇر تۇرسىنباەۆنىڭ ءوزى وقىرماندارىن جەلىلىك ماركەتينگ كومپانياسىنا تىركەلۋگە شاقىرىپ جاتىر.
«پوزور بولىپ باسقا ەلدىڭ سەتەۆويىندا جۇرمەيىك…تۇڭعىش قازاقتىڭ كلاسسيكالىق ماركەتينگپەن قۇرىلعان كومپانياعا تىركەلۋ باستالدى», — دەيدى ول.
دەگەنمەن, جەلى قولدانۋشىلارى بۇل كومپانيانىڭ بولاشاعىنا كۇدىكپەن قاراۋدا.
«سەتەۆوي ماركەتينگ قوي, ءبىرىن ءبىرى سۇرەۋ, كرەديتكە تىعۋ باستالدى», «كەزىندە نل-مەن ءبىراز ادامنىڭ اقشاسىن جەپ ەدى, ءالى تويماپتى», «الاياقتىق قوي, سەنبەڭدەر», «ارتى ماسساعان, مەن الدامدىم بولىپ كەتپەسىن», «اڭقاۋ ەلگە ارامزا مولدا», «كەيىن بىلىق بولىپ شىعىپ, بالعىنبەك اينۇردى تانىمايمىن دەپ تۇرما», «حالىقتى توناۋدى قويماپتى», «زاۋىت اشتى ما دەسەم, تاعى ءبىر پيراميدا اشىپتى عوي», «اينۇر تاعى دا حالىقتى قوراعا كىرگىزۋدى باستادى», — دەپ جازدى ولار.
