Aınur Tursynbaeva jeke kompanııa ashty

Foto: ashyq derekkóz

Aıtysker aqyn Aınur Tursynbaeva «SAAD» otandyq jelilik marketıng kompanııasyn ashty, dep habarlaıdy qandastar.kz

Aqynnyń dosy Balǵynbek Imashovtyń aıtýynsha, kompanııanyń quryltaıshylary Tursynbaevanyń bir týǵan baýyrlary.

«Tuńǵysh Otandyq jelilik “SAAD” kompanııasynyń quryltaı̆shylary — bir týǵan baýyrlar Darhan, Ardaq, Aı̆nur! Búgin úlken oqıǵa: Almatydaǵy Balýan Sholaq atyndaǵy Sport Saraı̆ynda jańa kompanııanyń tusaýkeseri ótýde. Ata-anasyn shyǵaryp batasyn alýy, Alataý Serileriniń rýhty ánimen keshtiń bastalýy sondaı̆ oryndy ári taǵylymdy boldy. Tamara Asardyń ánderi osy keshtiń shyraı̆y, sáni men saltanaty boldy. SAAD kompanııasy — myńdaǵan adamdarǵa tabys kózi, júzmyńdaǵan adamdarǵa sapaly ónim, mıllıondarǵa densaýlyq pen sulýlyq syı̆laı̆tyn múmkindik dep senemiz. Ekonomıkamyzǵa paı̆daly, ıaǵnı, mıllıardtaǵan dollarlar shetke ketpeı̆di, kerisinshe, syrttan úlken qarjylardyń quıýlýyna sebep bolmaq.

Qazaqtyń eki myqty qyzy — Ardaq pen Aı̆nur birigip Darhan baýyryn qoldasa, bul úshtiktiń almaı̆tyn asýy, qoparmaı̆tyn taýy qalmaı̆dy dep senem. Alla jar bolsyn, Aı̆nur dosym! Men seniń ár bastamańa tilekshi ári qoldaýshymyn!», — dep jazdy ol.

Aınur Tursynbaevnyń ózi oqyrmandaryn jelilik marketıng kompanııasyna tirkelýge shaqyryp jatyr.

«Pozor bolyp basqa eldiń setevoıynda júrmeıik…Tuńǵysh qazaqtyń klassıkalyq marketıngpen qurylǵan kompanııaǵa tirkelý bastaldy», — deıdi ol.

Degenmen, jeli qoldanýshylary bul kompanııanyń bolashaǵyna kúdikpen qaraýda.

«Setevoı marketıng qoı, birin biri súreý, kredıtke tyǵý bastaldy», «Kezinde NL-men biraz adamnyń aqshasyn jep edi, áli toımapty», «Alaıaqtyq qoı, senbeńder», «Arty mássáǵan, men aldamdym bolyp ketpesin», «Ańqaý elge aramza molda», «Keıin bylyq bolyp shyǵyp, Balǵynbek Aınurdy tanymaımyn dep turma», «Halyqty tonaýdy qoımapty», «Zaýyt ashty ma desem, taǵy bir pıramıda ashypty ǵoı», «Aınur taǵy da halyqty qoraǵa kirgizýdi bastady», — dep jazdy olar.