«ايتاتىن ءسات كەلدى»: استانالىق ايەل پەريزات قايراتتىڭ تاعى ءبىر بىلىعىن اشتى

فوتو: اسەل وماروۆانىڭ جەكە مۇراعاتىنان

ەلوردا تۇرعىنى اسەل وماروۆا رەداكتسيامىزعا حابارلاسىپ, وسىدان ەكى جىل بۇرىن «BIZ BIRGEMIZ» قورىنىڭ اتىنان وزىنە پەريزات قايرات شىققانىن, ايەلگە پاتەر بەرىلەتىنىن مالىمدەپ, ۇمىتتەندىرىپ قويعانىن جەتكىزدى. ءتىپتى بۇل “سىيلىق” سەرتيفيكات تۇرىندە گالوكونتسەرتتە  رەسمي تۇردە تابىستالعان ەكەن. دەگەنمەن ارادا قانشادا ۋاقىت وتسە دە, جەلىدە بالاسىمەن تاكسي جۇرگىزىپ تانىلعان اۆتولەدي ۋادە ەتىلگەن پاتەردىڭ كىلتىن قولىنا ۇستاي الماپتى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ. 

ەستەرىڭىزدە بولسا, 2 جىل بۇرىن بەس ايلىق قۇنداقتالعان ءسابيىن ۇستاپ, ءبىر قولىمەن ءرۋلدى باسقارىپ, تاكسي قىزمەتىن اتقارعان استانالىق ايەل جەلى جۇلدىزىنا اينالعان ەدى. ونىڭ ارەكەتى كوپتى تاڭعالدىرىپ, جەلىدە قىزۋ تالقىعا ءتۇستى. قازاقستاندىقتار ءبىراۋىزدان قولداپ, اسەل وماروۆاعا 1,7 ميلليون تەڭگە جيناپ بەرىپتى. وسى جاعدايدان سوڭ ايەلمەن پەريزات قايرات بايلانىسقا شىعىپ, ۇيىنە بارعان. سول كەزدە وتباسىعا پاتەر سىيلاۋعا ۋادە ەتكەن, ءتىپتى كوپتىڭ الدىندا سەرتيفيكات تابىستاعان. بىراق سول كۇيى ءۇي بەرىلگەن جوق دەيدى.

“جاماندىققا قيمايمىن, دەگەنمەن “باردى بار, جوقتى جوق” دەپ ايتار ءسات كەلگەندەي. 2022 جىلى قاراشادا پەريزات ۇيىمە كەلىپ, ء“ۇي تابىستايمىز” دەپ ايتىپ كەتكەن ەدى. كەيىن جاڭا جىلدىق مەرەكەگە وراي ۇلكەن گالاكونتسەرت بولىپ, سول جەردە سەرتيفيكات ۇستاتقان. بىراق ءۇي بەرىلمەدى”, – دەدى استانالىق اسەل وماروۆا.

اسەل وماروۆاعا بەلگىلى ءبىر تۇرعىن ءۇي كومپلەكسىنەن ءۇي بەرىلەدى دەپ ايتىلعان. بىراق كەيىن حابارسىز كەتتى دەيدى. ايتۋىنشا, ءوزى حابارلاسقان كەزدە “كۇندە ەرتەڭ” دەپ ءتۇرلى سىلتاۋمەن اسەلدى ۇزاق كۇتتىرىپ قويعان.

ء“ۇمىت دەگەن قيىن ەكەن, “انە, مىنە بەرىپ قالار” دەپ كۇتىپ ءجۇر ەدىم. سوڭعى رەت 4-5 اي بۇرىن حابارلاستىق, سول كەزدە “1-2 ايدان سوڭ بەرىلەدى” دەدى. بىراق قايتادان ءۇنسىز قالدى”, – دەدى ول.

اسەل بالالارىمەن ءالى دە پاتەر جالداپ تۇرادى.