«Aıtqanymnan shyqpaýyń kerek dedi»: Gúlmıra Satybaldynyń isi boıynsha kýáger sóz aldy

Gúlmıra Satybaldyǵa qatysty sot proesinde jábirlenýshi Abaı Júnisovke 12 jyl júrgizýshi bolyp istegen kýá Ernar Murat jaýap berdi,-dep habarlaıdy Qandastar.kz

2019 jyldyń 13 aqpanynda kýáger Ernar Murat issaparda bolǵan. Al oralǵan kezde jábirlenýshi Abaı Júnisovtiń úıine barǵan. Bul kezde ol úıqamaqta bolǵan. «Úıde azamattyq jáne sporttyq kıim kıgen beıtanys adamdar boldy. Meni Batyrshaev qarsy aldy da (Mádı – sottalýshy – red. eskertpesi), «aıtqanymnan shyqpaıtyn bol» dep buıyrdy jáne endi Gúlmıra Satybaldy ekeýi meniń dırektorym bolatynyn aıtty. Adamdardy Batyrshaevtyń ruqsatymen úıge kirgizip, shyǵarýǵa ruqsat etetin. Biraq men Abaı Júnisovtiń jubaıy Raıanyń da isine aralasyp júrgendikten, men oǵan habarlastym. Biraq ol qajet kezde habarlasatynyn aıtyp, bul úıge kelme dedi», – dep habarlady kýáger.

Eske sala keteıik, jábirlenýshi Abaı Júnisovtiń áıeli sottalýshy Gúlmıra Satybaldynyń týysy. Sondaı-aq kýágerdiń aıtýynsha, sottalýshy onymen baılanysqa shyqqan.

«Maǵan Gúlmıra Satybaldy habarlasyp, Astanaǵa «Qazgradstroı» kompanııasyna barý kerektigimdi qoqan-loqy kórsete buıyra aıtty. Al sodan keıin hatshy habarlasyp, maǵan bılet alǵandaryn aıtty. Sóıtip, 18-i kúni Astanaǵa ushtym, ol jaqta meni júrgizýshi qarsy alyp, keńsege apardy.

Kompanııanyń 60 paıyz akııasy meniń atyma tirkeldi. Munyń 30 paıyzy – Abaı Júnisovtiki jáne 30 paıyzy Gúlmıra Satybaldyǵa tıesili. Olardy maǵan osyǵan deıin Abaı Júnisovtiń ótinishi boıynsha jazdy. Ol meniń senimdi adam ekenimdi aıtyp, akııalardy maǵan berýdi ótindi. 18-i kúni Gúlmıra Satybaldy otyrǵan keńsege keldim. Ol maǵan dóreki daýyspen aqshany bastyǵym urlap ketkenin, sondyqtan men akııanyń 60 paıyzyn ózi ataǵan adamǵa jazyp berýim kerektigin aıta bastady. «Abaı Júnisov bul týraly bile me?» degen suraqqa Gúlmıra Satybaldy «Abaı endi eshkim emes, bári meniń buıryǵymmen bolady» dep jaýap berdi. Jaqynda Abaı túrmege túsedi, eger buıyrǵanymdy oryndamasań, artynan barasyń dep qorqytty», – dedi kýáger.

Osydan soń notarıýs pen Qasymbaev kelip, oǵan kýáger óz úlesin aýdaryp, qol qoıady. Alaıda ornyna eshteńe almaıdy. Kýágerden quqyq qorǵaý organdaryna ne bolyp jatqanyn habarlaýǵa tyrystyńyz ba dep suraldy. «Bul týraly Abaıdan surap edim, ol birinshi kúni-aq óziniń, otbasynyń, bala-shaǵasynyń amandyǵy úshin eshqaıda habarlaspaýymdy ótindi. Meniń de Gúlmıra Satybaldyny tanıtynyma kóp bolǵan, odan ózim de qorqatynmyn. О́ıtkeni onyń Qaırat Satybaldanyń áıeli jáne Nazarbaevtyń kelini ekenin biletinmin, sondyqtan quqyq qorǵaý organdaryna habarlasýdyń paıdasy joq ekenin túsindim», – dep túsindirdi kýáger. Budan keıin sottalýshylar suraq qoıýǵa múmkindik aldy. Gúlmıra Satybaldy kýágerge kompanııadaǵy 30 paıyzdyq úlesin berýdi suraǵan jáne oǵan jazyp bergen kezdi esine túsirýin surady. Aıyptalýshy óziniń kýágermen jaı ǵana amandasqany bolmasa, oǵan eshqashan mundaı ótinish aıtapǵanyn atap ótti. «Esińizge túsirińiz. Bul mańyzdy. Munda meniń taǵdyrym sheshilýde. Maǵan 194-bap (QR Qylmystyq kodeksiniń – red. eskert.) boıynsha aıyp taǵylyp otyr – bul degenimiz múlikti tárkileýmen jeti jyldan 13 jylǵa deıin bas bostandyǵymnan aıyrylý. Al siz bolsańyz meniń suraq qoıyp jatqanyma narazylyq bildiresiz be? Siz aıtqanda men sabyrmen tyńdap, ózińiz qalaǵandaı aıtýyńyzǵa ruqsat ettim, qurmettiler. Sizder meni erekshe aýyr aıyptap otyrsyzdar», – dedi Gúlmıra Satybaldy. Suraqtarǵa jaýap bere otyryp, kýáger eshkimniń úlesine jeke talap qoımaıtynyn túsindirdi. Tek 30 paıyzdyq úlestiń Abaı Júnisovke qaıtarylýyn qalaıtynyn aıtty. Al Gúlmıra Satybaldyǵa jeke aryz-talaby joq ekenin de aıtýdy umytpady.