جاڭالىقتار
ايتقانىنىڭ 50 پايىزى جالعان: يليا يلين اۋىر اتلەت الماس وتەشەۆتى 5 ايعا اۋرۋحاناعا كۇشتەپ جاتقىزعان
فوتو: اشىق دەرەككوز
قازاقستاندىق اۋىر اتلەت يليا يلين راحىم وشاقباەۆقا بەرگەن سۇحباتىندا زىلتەمىرشى الماس وتەشەۆتىڭ ءوزى جايلى ايتقان مالىمدەمەسىنە جاۋاپ بەردى, دەپ حابارلايدى qandastar.kz Azattyq Rýhy-نا سىالتەمە جاساپ.
«الماس – مەنىڭ دوسىم. ءبىز 14 جاسىمىزدان باستاپ بىرگە جاتتىقتىق. كەيىن ول مەنىڭ كومانداما ءوتتى. قازاقستان قۇراماسىنان كەتىپ, مەنى قولداعان ادامداردىڭ ءبىرىنشى قاتارىندا بولدى. مەنىڭ جۇيەم, جاتتىعۋىم بويىنشا جۇمىس ىستەدى. مەنىڭ ءىزباسارىم بولدى, ومىردە قۇرداس بولساق تا, سپورتتا تاربيەلەنۋشىم بولدى. بىراق, ءبارىمىزدىڭ باسىمىزعا قيىندىق تۇسكەندە, ول سونىڭ جەتەگىندە كەتتى. 10 جىل ىشىمدىككە سالىندى. ونىڭ ايتقانىنىڭ ىشىندە شىندىق كوپ. ونىڭ ىشىندە رەنىشى دە بار. قوعامعا ايتقان جانايقايى بولدى. ءبىز ونى تاپتىق, قازىر ەمدەلىپ جاتىر. فەدەراتسيا دا ىسكە قوسىلدى. وعان كومەكتەسىپ جاتقان مەن ەمەس, حالىق ەكەنىن ايتتىم. قازىر ودان باس تارتساڭ, كەش بولادى دەدىم. قازىر كلينيكادا الكوگوليزمنەن ەمدەلىپ جاتىر», – دەيدى يليا يلين.
ول ىشىمدىككە سالىنعان زىلتەمىرشى 1 اي ىشپەسە تۇرا ايلمايتىنىن ايتتى.
«مەن دوسىمدى ەشقاشان تاستامايمىن. ول 5 اي ەمدەلۋى كەرەك. اراقتان باس تارسا, جاقسى بولار ەدى. حالىق تۇسىنسە ەكەن دەيمىن, ودان ەشكىم باس تارتقان جوق. ءبىز ونى اياققا تۇرعىزامىز. سوسىن ول قوعامعا ءوز ۇلەسىن قوسسا دەيمىز. ءبىرىنشى كەزەڭ جاسالدى. جاقىن ارادا ونىمەن سۇحبات جاسايمىن. ال, سۇحباتىندا ايتقان سوزدەرىنىڭ 50 پايىزى جالعان», – دەيدى سپورتشى.
وسىعان دەيىن ازيا چەمپيونى بولعان الماز وتەشوۆ «ۋاقىت كورسەتەدى» پودكاستىندا قيىن ساتتەردى باستان كەشىپ جاتقانىن ايتقان ەدى. ول سۇحبات كەزىندە كۇزەتشى بولىپ جۇرگەنىن ايتقان.
