ايتىلدى-ورىندالدى: «جاڭا ادامدار» استاناداعى زاڭسىز قوقىس ءۇيىندىسىنىڭ كوزىن جويدى

فوتو: اشىق دەرەككوز

«جاڭا ادامدار» استاناداعى الىپ زاڭسىز قوقىس ءۇيىندىسىن جويۋعا قول جەتكىزدى, دەپ جازدى qandastar.kz

بيىل ساۋىردە «جاڭا ادامدار» قوزعالىسىنىڭ بەلسەندىلەرى استاناداعى ۇلى دالا داڭعىلى بويىندا ورنالاسقان «ايۆا» تۇرعىن ءۇي كەشەنىنىڭ جانىندا قۇرىلىس جانە تۇرمىستىق قالدىقتارى زاڭسىز توگىلگەن قوقىس الاڭىن انىقتادى. اپتالار  بالكىم, ايلار بويى —ونداعان توننا قوقىستى بەلگىسىز تۇلعالار بولاشاق قۇرىلىس اۋماعىنا كۇن سايىن اكەلىپ توگىپ وتىرعان. جۇمىسشىلار قوقىستى جاي عانا توپىراقپەن ارالاستىرىپ كومگەن. ناتيجەسىندە  جويىلعان كول, ەكولوگيالىق قاۋىپ جانە قالالىق اۋقىمداعى اپات.

«جاڭا ادامدار» بەلسەندىلەرى جۇرگىزگەن «تەرگەۋ» جۇمىستارى باق پەن الەۋمەتتىك جەلىلەردە كەڭ رەزونانس تۋدىردى. الايدا بەلسەندىلەر مۇنىمەن شەكتەلمەي,  اكىمدىككە جۇگىندى.

23 ساۋىردە «AntiTrash Aستانا» ازاماتتىق ناۋقانى ەسىل اۋدانى اكىمىنىڭ ورىنباسارى ماديار جۇماباي ۇلىمەن بىرلەسىپ وقيعا ورنىنا باردى. اكىمدىك وكىلدەرىمەن بىرگە تازالاۋ جۇمىستارى ۇيىمداستىرىلىپ, اۋماق پەن كولدى كەڭ كولەمدە تازارتۋ باستالدى. العاشقى كەزەڭدە شامامەن 70 000 شارشى مەتر جەر تازارتىلدى. كاماز كولىكتەرى كۇن سايىن ونداعان قاپ قوقىستى الىپ كەتىپ جاتىر. جاۋاپتى قىزمەتتەر ىسكە قوسىلدى — بۇل العاشقى ناقتى وزگەرىستەر.

امانوۆ باۋىرجان, «جاڭا ادامدار»:
«شىنىن ايتقاندا, مۇنداي قوقىس الاڭدارى وتە كوپ. تەك استانادا عانا ەمەس. ولار جايدان-جاي پايدا بولعان جوق. ولار پايدا بولدى, ويتكەنى كوپتەگەن ەل تۇرعىندارى ءۇشىن قازاقستان —  جەكە جاۋاپكەرشىلىك ايماعى ەمەس. ەگەر ءبارىمىز وزگەرۋدى باستاماي, ەلگە ءوز ۇيىمىزدەي قاراماساق, ەشتەڭە وزگەرمەيدى.
ادىلەتتى قازاقستاندا ءومىر سۇرگىمىز كەلە مە? ول وزدىگىنەن پايدا بولمايدى. ەل تەك ءبىز وزگەرگەندە عانا وزگەرەدى».

بۇل  تەك باستاماسى عانا. بەلسەندىلەر ءار ەكى اپتا سايىن سول جەردى قاداعالاۋعا الماق.