Aıtyldy-oryndaldy: «Jańa adamdar» Astanadaǵy zańsyz qoqys úıindisiniń kózin joıdy

Foto: ashyq derekkóz

«Jańa adamdar» Astanadaǵy alyp zańsyz qoqys úıindisin joıýǵa qol jetkizdi, dep jazdy qandastar.kz

Bıyl sáýirde «Jańa adamdar» qozǵalysynyń belsendileri Astanadaǵy Uly Dala dańǵyly boıynda ornalasqan «Aıva» turǵyn úı kesheniniń janynda qurylys jáne turmystyq qaldyqtary zańsyz tógilgen qoqys alańyn anyqtady. Aptalar  bálkim, aılar boıy —ondaǵan tonna qoqysty belgisiz tulǵalar bolashaq qurylys aýmaǵyna kún saıyn ákelip tógip otyrǵan. Jumysshylar qoqysty jaı ǵana topyraqpen aralastyryp kómgen. Nátıjesinde  joıylǵan kól, ekologııalyq qaýip jáne qalalyq aýqymdaǵy apat.

«Jańa adamdar» belsendileri júrgizgen «tergeý» jumystary BAQ pen áleýmettik jelilerde keń rezonans týdyrdy. Alaıda belsendiler munymen shektelmeı,  ákimdikke júgindi.

23 sáýirde «AntiTrash Astana» azamattyq naýqany Esil aýdany ákiminiń orynbasary Madııar Jumabaıulymen birlesip oqıǵa ornyna bardy. Ákimdik ókilderimen birge tazalaý jumystary uıymdastyrylyp, aýmaq pen kóldi keń kólemde tazartý bastaldy. Alǵashqy kezeńde shamamen 70 000 sharshy metr jer tazartyldy. KAMAZ kólikteri kún saıyn ondaǵan qap qoqysty alyp ketip jatyr. Jaýapty qyzmetter iske qosyldy — bul alǵashqy naqty ózgerister.

Amanov Baýyrjan, «Jańa adamdar»:
«Shynyn aıtqanda, mundaı qoqys alańdary óte kóp. Tek Astanada ǵana emes. Olar jaıdan-jaı paıda bolǵan joq. Olar paıda boldy, óıtkeni kóptegen el turǵyndary úshin Qazaqstan —  jeke jaýapkershilik aımaǵy emes. Eger bárimiz ózgerýdi bastamaı, elge óz úıimizdeı qaramasaq, eshteńe ózgermeıdi.
Ádiletti Qazaqstanda ómir súrgimiz kele me? Ol ózdiginen paıda bolmaıdy. El tek biz ózgergende ǵana ózgeredi».

Bul  tek bastamasy ǵana. Belsendiler ár eki apta saıyn sol jerdi qadaǵalaýǵa almaq.