ايىنا 15 ميلليون جالاقى الاتىن 3 ادام جۇمىستان كەتەتىندەرىن مالىمدەدى

فوتو: Aikyn.kz

ءوزىنىڭ پسيحيكالىق دەنساۋلىعىنا باسىمدىق بەرىپ, التى ساندىق جالاقى الاتىن ادامدار تۋرالى businessinsider.com سايتى جازدى. بۇل ماتەريالداعى ادامداردىڭ جوعارى جالاقى بەرەتىن جۇمىستارىن تاستاۋىنىڭ سەبەپتەرىن Aikyn.kz تۇسىندىرەدى.

6 تاڭبالى جالاقى بەرەتىن جۇمىس ورىندارىندا وتە قيىن جۇكتەمەلەر مەن جوعارى تالاپتار قويىلادى. فوتو Getty Images فوتو-بانكىنەن الىندى. اۆتورى: Skynesher

6 تاڭبالى جوعارى جالاقى الاتىن 3 مەنەدجەر پسيحيكالىق دەنساۋلىعىنا بايلانىستى جۇمىستارىن تاستاعان. ولار سترەسس جاعدايدا وتەتىن جۇمىس كۇندەرىن جانە قولداۋدىڭ جەتىسپەۋشىلىگىن جەڭۋ قيىنعا سوققانىن ايتادى. جۇمىس پەن دەنساۋلىق اراسىنداعى تەپە-تەڭدىك ۇستاۋدىڭ قيىن ەكەنىن ءبىلىپ, ولاردىڭ ۇشەۋى دە دەنى ساۋ ءومىردى تاڭداعان. التى تاڭبالى جالاقى بەرەتىن جۇمىس ورىندارىندا وتە قيىن جۇكتەمەلەر مەن جوعارى تالاپتار قويىلادى. قولايلى جۇمىس ورتاسى جاسالعانىمەن, كوپتەگەن جاعدايدا قىزمەتكەرلەر جالاقىسى مەن پسيحيكالىق دەنساۋلىعىنىڭ اراسىندا تاڭداۋ جاساۋعا ءماجبۇر بولادى.

Business Insider پسيحيكالىق دەنساۋلىعىن ساقتاۋ ءۇشىن جىلىنا 200 000-300 000 دوللار جالاقى ۇسىنعان جۇمىستى تاستاپ كەتكەن 3 مەنەدجەردىڭ وقيعاسىن تالدايدى.

ولاردىڭ ارقايسىسى ءوز سالالارىندا جاقسى تابىستارعا جەتكەن, بىراق ولار اۋىر جۇمىس پەن قاتال تالاپتاردان شارشاعان. پسيحيكالىق دەنساۋلىعى ناشارلاعانىن بايقاعان ۇشەۋدىڭ جۇمىستان كەتۋدەن باسقا امالى قالماعان.

2023 جىلى جاپپاي جۇمىستان قىسقارتۋ كەزىندە كانگ ءوزىنىڭ قورعانسىز ەكەنىن مويىنداۋعا ءماجبۇر بولعان. فوتو Getty Images فوتو-بانكىنەن الىندى. اۆتورى: Bymuratdeniz

ءبىرىنشى مىسال. دجين كانگ ءوزىنىڭ كومپانياسىنداعى «قاربالاس مادەنيەتىنە» تاڭعالادى. 31 جاسار كانگ باستاپقىدا ۇلكەن تەحنولوگيالىق كومپانيالار ۇسىناتىن ءارتۇرلى جەڭىلدىكتەر مەن 6 تاڭبالى جالاقىعا قىزىققان.

كان: «مەن ءار لاۋازىمدا تەحنيكالىق ارتىقشىلىقتارعا يە بولدىم – ۇلكەن جالاقى, تەگىن تاماق, قاشىقتان جۇمىس, سپورتزالعا تەگىن ابونەمەنت, ماسساج جانە ت.ب.

وسىنداي تاڭعاجايىپ ارتىقشىلىقتارعا قاراماستان, كانگ ءوزىنىڭ باسەكەلەستەرىنەن اسىپ ءتۇسۋ ءۇشىن ۇلكەن قىسىمدى سەزىنگەنىن ايتادى. ول ءوز ءومىرىن ۇلكەن كومپانيالارعا مول تابىس اكەلەتىن جۇمىستىڭ كىشكەنتاي عانا تەتىگى ەكەنىن كەش تۇسىنگەن.

2023 جىلى جاپپاي جۇمىستان قىسقارتۋ كەزىندە كانگ ءوزىنىڭ قورعانسىز ەكەنىن مويىنداۋعا ءماجبۇر بولعان. سودان كەيىن ول Big Tech-تان ءبىرجولا كەتۋ كەرەكتىگىن تۇسىنگەن. سوڭىندا 300 000 دوللار جالاقىدان باس تارتىپ, باسقا جەڭىلدەۋ قىزمەتكە اۋىسقانىن ايتادى.

«مەنىڭ ەڭ ۇلكەن قورقىنىشىم ساتسىزدىككە ۇشىراۋ بولدى, بىراق مەن ءوزىمنىڭ قابىلەتىمدى تومەن باعالاعانىمدى ءتۇسىندىم جانە كەيىن ارقاشان باسقا جۇمىس تابا الاتىنىما كوزىم جەتتى. قازىر وزىمە ىڭعايلى جوبالاردى تاڭدايمىن جانە تابىسقا جەتۋ ءۇشىن وزىمە كوپ قىسىم جاسامايمىن. قازىر مەن 30-40 ساعات جۇمىس ىستەيمىن, كەيدە دەمالىس كۇندەرى دە ىستەيمىن, بىراق قاجەت بولعاندىقتان ەمەس, ءوزىمنىڭ قالاۋىم بويىنشا», – دەيدى كانگ.

ۇزاق جۇمىس كۇندەرى ۇزاق تۇندەرگە جالعاسادى. ول تاپسىرمالاردى ورىنداۋ ءۇشىن تۇنىمەن وفيستە قالاتىن. فوتو Getty Images فوتو-بانكىنەن الىندى. اۆتورى: RyanJLane

ەكىنشى مىسال. ەريك يۋ 6 اي بويى جۇمىستاعى دۇربەلەڭنەن زارداپ شەگەدى. 28 جاسار ەريك يۋ ءوزىنىڭ العاشقى ەڭبەك جولىن Facebook-تا باستاعانىن, تەحنولوگيا سالاسىنداعى مانساپقا قۋانعان ايتادى. بىراق العاشقى قۋانىش ۇمىتىلعان سايىن ونىڭ ورنىن الاڭداۋشىلىق باسادى. قارقىندى كودتاۋعا ارنالعان ۇزاق جۇمىس كۇندەرى ۇزاق تۇندەرگە جالعاسادى. ول تاپسىرمالاردى ورىنداۋ ءۇشىن تۇنىمەن وفيستە قالاتىنىن, بىراق ءبارىبىر باسشى ينجەنەرلەردىڭ قاتال سىنىنا تاپ بولعانىن ايتادى.

«مەن ءومىرىمنىڭ ەڭ قيىن كەزەڭدەرىن سول كەزدە باستان كەشىردىم. ءار كۇنىم قايتالانا بەرەتىن تاپسىرمالاردى ورىنداۋمەن وتەتىن. مەن نە ىستەپ جاتقانىمدى نەمەسە نە ءۇشىن جۇمىس ىستەپ جاتقانىمدى تۇسىنبەيتىن جاعدايعا جەتتىم», – دەيدى يۋ.

باستىعى ونىڭ جۇمىسىنا شىنداپ كۇمان كەلتىرگەننەن كەيىن عانا ول تەحنولوگيادان كەتۋدى شەشەدى. كەلىنشەگى ۆاندامەن بالامالى تابىس كوزدەرىن قاراستىرعاننان كەيىن ول جۇمىسىن تاستايدى: «مەن 370 000 دوللار جالاقى بەرەتىن جۇمىستى تاستاپ, ءومىرىمنىڭ سوڭىنا دەيىن Meta-دا قالۋ اقىلعا قونىمسىز ەكەنىن ءتۇسىندىم. بۇل ماعان قارجىلىق قاۋىپسىزدىكتى قامتاماسىز ەتەر ەدى. بىراق بۇل مەن ءۇشىن ەمەس ەكەنىن ءبىلدىم». ول ەندى جىلجىمايتىن م ۇلىكتەن ءپاسسيۆتى كىرىس الادى جانە بوس ۋاقىتىن ومىردەن شىنىمەن نە قالايتىنىن انىقتاۋ ءۇشىن پايدالانادى.

McKinsey-ءدىڭ بۇرىنعى قىزمەتكەرى: «مەن ۇستەلدەن باسىمدى المايتىن ەدىم, تاماقتانۋدى ۇمىتىپ, كوپ سالماق جوعالتتىم». فوتو Getty Images فوتو-بانكىنەن الىندى. اۆتورى:  Westend61

ءۇشىنشى مىسال. McKinsey-ءدىڭ بۇرىنعى قىزمەتكەرى پسيحيكالىق اۋرۋعا بايلانىستى دەمالىسقا شىعۋعا ءماجبۇر بولادى. قۇپيالىلىق ماسەلەلەرىنە بايلانىستى اتى-ءجونىن جاسىرعىسى كەلگەن بۇرىنعى McKinsey قىزمەتكەرى ءوزىنىڭ كومەكشى ءرولى قيىن بولاتىنىن بىلگەنىن ايتادى. ول ءوزىنىڭ اناليتيكالىق داعدىلارىن شىڭداۋ ءۇشىن بۇل قىزمەتكە كەلىسىم بەرگەن, بىراق جۇمىسىنىڭ اۋىر بولاتىنىن كۇتپەگەن. ول تاۋلىگىنە 16 ساعات جۇمىس ىستەگەنىن, بىراق تالىمگەر بولماعانىن جانە ناشار ارىپتەستەرمەن قىزمەتتەس بولعانىن ايتادى.

«مەن ۇستەلدەن باسىمدى المايتىن ەدىم, تاماقتانۋدى ۇمىتىپ, كوپ سالماق جوعالتتىم. دارەتحاناعا بارۋدى دا ارەڭ ەسىمە تۇسىرەتىنمىن. ءيتىمنىڭ ماعان مۇڭايىپ قاراپ تۇرعانىن بايقاعان كەزدە عانا جۇمىس ۇستەلىنەن تۇرۋ قاجەتتىگىن ءتۇسىنۋشى ەدىم», – دەيدى ول.

McKinsey-ءدىڭ جۇمباق قىزمەتكەردىڭ ايتۋىنشا, ءبىر جىلدان كەيىن ونىڭ شىدامى تاۋسىلعان: «بۇنداي جۇمىس مەنى جاردىڭ جاعاسىنا اپاردى. مەن ەندى مۇنى ىستەي المادىم. جۇمىستى سونداي رەجيمدە جالعاستىرۋ ءۇشىن مازاسىزدىقتى باساتىن ءدارى-دارمەكتىڭ ۇلكەن دوزاسىن قابىلداۋعا تۋرا كەلدى», – دەيدى ول.

200 000 دوللار جالاقىعا قاراماستان, ءوزىنىڭ پسيحيكالىق دەنساۋلىعىن قايتا قالپىنا كەلتىرۋ ءۇشىن ول McKinsey-دەن كەتۋگە شەشىم قابىلدايدى.

جۇمىستان كەتكەننەن كەيىن ءبىر جىل وتكەن سوڭ عانا ول ءوزىنىڭ پسيحيكالىق دەنساۋلىعىنىڭ جاقسارعانىن بايقاپ, جۇمىسقا قايتا ورالۋعا دايىن ەكەنىن تۇسىنەدى. ول ەندى بۇرىنعىداي ەمەس, «ءوز قىزمەتكەرلەرىنە قامقورلىق جاسايتىن, ينكليۋزيۆتىلىكتى باعالايتىن جانە بارلىعىنا قۇرمەتپەن قارايتىن كومپانيالاردان» جۇمىس ىزدەيتىن بولعان.