جاڭالىقتار
ايىپپۇل ارقالادى: “ەير استانا” رەيستى 15 ساعات كەشىكتىرگەن
فوتو: اشىق دەرەككوز
«ەير استانا» تاعى دا اكىمشىلىك جاۋاپكەرشىلىككە تارتىلدى, دەپ جازدى qandastar.kz
Ulysmedia.kz مالىمەتىنشە, اقتاۋ اۋەجايىنداعى وقيعادان كەيىن اۋە كومپانياسىنا ايىپپۇل سالىنعانى حابارلاندى.
رەيس 15 ساعاتقا كەشىكتىرىلىپ, وسى ۋاقىت ىشىندە جولاۋشىلارعا قوناقۇي دە, تاماق پەن انا مەن بالاعا ارنالعان بولمە دە, اۋەجايدان قالاعا دەيىن كولىك تە بەرىلمەگەن.
جولاۋشىلار ماڭعىستاۋ وبلىستىق كولىك پروكۋراتۋراسىنا ءوتىنىش جازعان. قاداعالاۋ ورگانىنىڭ اكتىسى بويىنشا «ەير استانا» اۋە كومپانياسى اكىمشىلىك جاۋاپكەرشىلىككە تارتىلىپ, وعان 1 846 000 تەڭگە ايىپپۇل سالىندى.
