Aıyptalýshy Sherzattyń anasyn da óltiremin dep qorqytqan

Foto:

Talǵar qalasynda Sherzat Bolattyń qazasyna qatysty is boıynsha ótip jatqan sot otyrysynda marqumnyń anasy Gúlbara Bıshimbıeva kýálik berdi, dep habarlaıdy  qandastar.kz  Skifnews.kz aqparattyq portalyna silteme jasap habarlaıdy.

Gúlbara Bıshimbıevanyń aıtýynsha, qaıǵyly oqıǵa bolǵan túni kúıeýi Qarjaýbaı qońyraý shalyp, uly Sherzattyń bireýmen janjalǵa túskenin habarlaǵan. Ol ekinshi uly — Nurqanatty oıatyp, dúken jaqqa jiberýdi suraǵan.

«Nurqanatty oıattyq, ol kólikpen ketip qaldy. Qarjaýbaı qaıta habarlasyp, “bári jaqsy, sheship jatyrmyz” dedi. Biraq ýaıymdap, enemmen birge biz de shyqtyq. Taksımen “Qamajaı” dúkenine jetkende, 10-15 adam jınalyp qalǵanyn kórdik. Eki qyz da bar eken. Sol sátte bireýi “delaıte!” dep aıqaı saldy», – dedi marqumnyń anasy.

Gúlbaranyń aıtýynsha, Sherzat alǵash betinen urylyp, keıin jaýap soqqy bergennen keıin jaǵdaı ýshyqqan. Qarsy tarap birden jabyla ketip, uryp-soǵý bastalǵan.

«Abzal men Nurbol meni ustap jibermeı qoıdy. “Balama tımeńdershi, anasymyn” dep jalyndym. Sonda Abzal “aýzyńdy jap, seni de óltiremin” dep qorqytty. Eki qyzdan “jedel járdem men polıııa shaqyryńdarshy” dep suradym, biraq olar eshteńe istegen joq», – dedi anasy sotta.

Ol 7-8 adam Sherzatqa jabylǵanyn, balasynyń sheginip baryp qulaǵan sátte denesinen qan aǵyp jatqanyn baıqaǵanyn aıtady. Sol kezde onyń pyshaq jaraqatyn alǵanyn túsingen.

«Nurqııastyń qolynda myltyq boldy. Nurqanatty tepkilep bolǵan soń, Nurqııas Sherzatqa qaıta bet alyp, ony basy men jelkesinen 3-4 ret urdy. Arasha túspek boldym, qolymdy tostym. Biraq ol meni de uryp jiberdi», – deıdi Bıshimbıeva.

Sotta aıtylǵan derekterge súıensek, sol túni shabýyl jasaǵandar pyshaq, myltyq jáne bótelke syndy qarýlarmen qarýlanǵan. Sherzattyń ákesi Qarjaýbaı da soqqyǵa jyǵylyp, oǵan bótelkemen urǵan, artynan pyshaq salynǵan.

Sot proesi jalǵasyp jatyr.