Aıjuldyz Adaıbekova jeke ómirine qatysty jańalyǵyn jarııalady

Foto: instagram.com/aizhuldyz_adaibekova/

Belgili bloger, aktrısa, dızaıner Aıjuldyz Adaıbekovanyń súıiktisi Sáken Qaǵarov týǵan kúnge arnalǵan syıyn shetelde tartý etetinin aıtty, – dep habarlaıdy Qandastar.kz Massaget.kz tilshisine silteme jasap.

Ol bul týraly Revue News baǵdarlamasynda sóz qozǵady.

«Aıjuldyzǵa birneshe elge saıahatqa joldama syıladym. Eki-úsh kúnnen keıin ketemiz. Barlyǵyn áleýmettik jeliden kóresizder ǵoı. Áýeli Londonǵa, sosyn Islandııaǵa baramyz. Ol jaqta ony tosynsyı kútip tur», – dep qyzyqtyryp qoıdy Sáken Qaǵarov.

Al Aıjuldyz Adaıbekova ózine týǵan kúninde erekshe tilek aıtty.

«О́zime tileıtinim – baqyt. Múmkin bópeli bolarmyz, kim biledi? Negizi sizder bilmeıtin kóp nárse boldy. Qazir súıiktimmen birge turyp jatyrmyz. Meniń oıymsha, ol kisi ózi daıyn bolǵan kezde, ruqsatyn bergen kezde men de daıyn bolamyn. Kóz bar, sóz bar degendeı, ázirge jeke ómirimizge qatysty kóp nárseni jarııalamadyq», – dep qysqa qaıyrdy óner ıesi.

Aıta keteıik, byltyr Aıjuldyz Adaıbekova 27 jasqa tolǵan týǵan kúnin toılap, 10 myń dollar qurtqanyn aıtqan bolatyn.