اقبوتا كەرىمبەكوۆا: اباي بەگەي, اسحات تارعىندار ءانشى ەمەس

ءانشى اقبوتا كەرىمبەكوۆا Adal Adam Youtube ارناسىنا بەرگەن سۇحباتىندا حالىق كاسىبي ءانشى مەن اۋەسقوي ءانشىنى اجىراتا المايتىن حالگە تۇسكەنىن ايتتى, – دەپ حابارلايدى qandastar.kz

«كەز كەلگەن سالادا ادام ءبىرىنشى مىنەزىمەن سىيادى. ونەردە دە بۇل نارسە بار. كەرەمەت تالانتتى نەمەسە داۋسى بولماسا دا, ءتىپتى ءبىر جاساپ جاتقان دۇنيەسى جوق بولسا دا مىنەزىمەن سىيىپ, سونىمەن قادىرلى, سىيلى بولىپ جۇرگەن انشىلەر بار. مەن مۇنى نە ءۇشىن ايتىپ جاتىرمىن? تولىقتاي جەتكىزەيىن.

مىسالى, اباي بەگەي, اسحاتتار (تارعىن), ولار كوبىنە ءبىزدىڭ ورتامىزعا مىنەزىمەن ۇنادى. ءوز باسىم ول انشىلەردى قاتتى سىيلايمىن, قۇرمەتتەيمىن. ارتىمىزدان كەلە جاتقان ىنىلەرىمىز, اعالارىمىز دەگەندەي. ءبىر سۇحباتتا ماعان ء“سىز ءانشى دەپ ەسەپتەيسىز بە?” دەپ سۇراق قويدى. مەن بىرەۋ ءۇشىن جاۋاپ بەرمەيمىن عوي. جالپى مەن ءۇشىن كاسىبي ءانشى دەپ ايتا المايمىن دەپ جاۋاپ بەردىم. قازىر ءبارى ءانشى. ءسىز دە ءان ايتقىڭىز كەلسە, ءانشى بولاسىز. كاسىبي ءانشى مەن جاي ءانشى دەگەن ەكى نارسە. تىڭدارمان وسى ەكى دەڭگەيدى اجىراتا الماي قالدى. مەن سول تۇرعىدا ايتقان بولاتىنمىن. سول سوزدەن كەيىن داۋ-دامايعا قالىپ, ورتادا رەنىش بولدى. «ءانشى ەمەس دەپ ايتتى» دەپ. جاسىراتىنى جوق, قازىر حالىق كەرەڭ ەمەس. مەيلى ءوز دەڭگەيىندە ءانشى شىعار, ءوزىنىڭ تىڭدارماندارى بار ءانشى بولار. مەن وعان ەشتەڭە دەي المايمىن», – دەدى ءانشى اقبوتا كەرىمبەكوۆا.