Aqbota-Nur jańa úıin kópshilikke kórsetip, maqtandy

Belgili qazaqstandyq ánshi Aqbota-Nur Seıitmaǵambet jańa úıin kórsetti. Baspanasynyń sýretin ol Instagram jelisindegi paraqshasynda jarııa etken, dep habarlaıdy Qandastar.kz aqparat portaly.

«Ár kirpishinde – arman, ár terezesinde – úmit. Jańa úı – jańa tynys, jańa betburys. Qanshama eńbek terimniń jemisi. Qutty shańyraq bolsyn!», — dep jazdy ol.

Jeli qoldanýshylary Aqbota-Nurdyń qýanyshyna ortaqtasyp, jyly lebizderin jaýdyrdy.

«Berekeli, qaıyrly úı bolsyn!», «Qandaı keremet! Eńbegińiz jana bersin, berekeli merekeli shattyqqa toly shańyraq bolsyn», «Qutty bolsyn berekeli bolsyn», «Qanshama eńbek. Kishkentaı qyzdyń úlken jetistikteriniń biri. Armanǵa adaldyq pen jumystaǵy tabandylyqtyń nátıjesi. О́z oshaǵyńdy, óz uıańdy, óz armanyńdy óz qolyńmen qalap jatsyń. Alla qoldaýshyń bolsyn», — dep jazdy olar.