«Ákemmen sóıleskim kelmeıdi»: Áıtenov pen Áteshovanyń balalary psıhologııalyq soqqy alǵan

Foto: ashyq derekkóz

Astanada Shymkenttiń burynǵy ákiminiń aǵasy Marat Áıtenov pen onyń burynǵy áıeli Dana Áteshovaǵa qatysty sot proesi jalǵasyp jatyr. Sotta burynǵy erli-zaıyptynyń balalarynyń psıhologııalyq jaǵdaıy týraly mamannyń pikiri oqyldy. Bul týraly Stan.kz aqparat agenttigi habarlaıdy.

Psıholog balalarmen tildesken, sol kezde olardyń ákesine qatysty jaǵymsyz emoııalaryn anyqtady. Al anasyna qatysty súıispenshilik pen senimdi qarym-qatynas qalyptasqany belgili.

Dana Áteshovanyń advokaty Álııa Omarova psıholog olar balalar psıhoterapııasynan ótý kerek degen sheshimge kelgenin atap ótti.

«Men ákemniń nómirin óshirip tastaǵym keledi, onymen sóıleskim kelmeıdi. Anamdy urady, bizdi úıden qýdy, al ol jaqta dostarym bar edi. Biz bólek turǵanda ol meniń týǵan kúnime kelmedi».

«Ákem anamdy uryp-soǵatyn, ony únemi renjitetin. Bir ret ony baspaldaqtan laqtyryp jiberdi. Meni renjitken joq, meniń anamdy ǵana renjitti, bul maǵan aýyr tıdi, óıtkeni ol meniń anashym ǵoı», – degen balalar psıhologqa.

Maman anasy týraly jáne basqa da taqyryptarda balalar jaǵymdy emoııalar ótkeretinin baıqapty. Biraq úıden shyǵaryp jibergen kún jáne ákesi týraly áńgimede kóńil-kúıi túsip ketken. Balalar psıhologııalyq soqqy alǵan dep túsindiripti.

Psıhologtyń baıandamasynan úzindilerdi oqyǵan advokat muny qylmystyq is materıaldaryna qosýdy surady.

«Meniń qyzymda panıka bolyp turady. Meni ulym oınap, qytyqtaǵanda, qyzym jylap, «Anama tıispe, anama tıispe!» dep aıqaılady. Osydan keıin qasymnan bir eli qalmaıdy, tipti sýǵa túsetin kezde qasymda turady, menen ajyraǵysy kelmeıdi. Polıııa qyzmetkerlerinen qorqyp qalǵan. Kóshede kórip qalsa, «Mama, abaıla, polıııa!» dep aıqaılaıdy», – dedi Dana Áteshova.

Eske salaıyq, Dana Áteshova 12 shilde kúni burynǵy kúıeýi men onyń adamdary tártip saqshylarymen ózin úıden kúshtep, qýyp shyqpaq bolǵanyn aıtty. Áteshova burynǵy kúıeýi Marat Áıtenovtiń ústinen birneshe ret shaǵymdanǵan. Ol – Shymkent qalasynyń burynǵy ákiminiń aǵasy. Sondaı-aq Dana Áteshova prezıdentten kómek suraǵan edi.

Buǵan deıin Marat Áıtenovtyń 5 táýlikke qamaýǵa alynǵany týraly jazǵan edik.