«اكەمنىڭ كىم ەكەنىن بىلەسىڭ بە?»: جەلىدە الماتىدا بولعان قىز بەن جىگىتتىڭ اراسىنداعى جانجالدىڭ ۆيدەوسى تارادى

الەۋمەتتىك جەلىدە الماتىدا قىز بەن جىگىتتىڭ اراسىنداعى جانجال تۇسىرىلگەن ۆيدەو تارادى. بۇل تۋرالى Stan.kz اقپارات اگەنتتىگى حابارلايدى.

وقيعا تۇندە جول ورتاسىندا بولعان. ۆيدەودان قىزدىڭ جىلاپ, ءوزىن ۆيدەوعا تۇسىرلگەن جىگىتكە ايقايلاپ جاتقانىن كورۋگە بولادى. ۆيدەودا قىز ءوزىنىڭ قاراساي اۋدانى باسشىسىنىڭ قىزى ەكەنىن ايتادى.

الماتى پوليتسيا دەپارتامەنتى وقيعاعا قاتىستى تۇسىنىكتەمە بەردى.

«المالى اۋداندىق پوليتسيا ءبولىمىنىڭ قىزمەتكەرلەرى قۇقىق بۇزۋشىلارعا زاڭناماعا سايكەس شارا قولداندى. ولاردىڭ ۇستىنەن قوعامدىق ورىنعا ماس كۇيىندە شىعىپ, تىنىشتىقتى بۇزۋ فاكتىلەرى بويىنشا اكىمشىلىك ءىس ماتەريالدارى جينالدى», – دەلىنگەن حابارلامادا.

ۆيدەوعا قاتىستى قاراساي اۋداندىق اكىمدىگى دە مالىمدەمە جاسادى.

“قاراساي اۋدانىنىڭ اكىمدىگى ماس كۇيدەگى ازاماتشانىڭ قاتىسۋىمەن تۇسىرىلگەن ۆيدەودا تاراعان اقپاراتتى رەسمي تۇردە جوققا شىعارادى. تەكسەرۋ ازاماتشانىڭ قاراساي اۋدانىنىڭ باسشىلارىمەن تۋىستىق بايلانىسىنىڭ جوقتىعىن راستادى. ونىڭ مالىمدەمەلەرى جالعان جانە شىندىققا جاناسپايدى. قۇقىق قورعاۋ ورگاندارى ازاماتشانى جالا جابۋ, ار-نامىس پەن ابىرويعا نۇقسان كەلتىرگەنى ءۇشىن جاۋاپكەرشىلىككە تارتۋ ماسەلەسىن شەشۋدە”, – دەلىنگەن اكىمدىك حابارلاماسىندا.

ەسكە سالساق, بۇعان دەيىن جەلىدە الماتىداعى قىزدار اراسىنداعى توبەلەستىڭ ۆيدەوسى تاراعان ەدى.