«Ákemniń kim ekenin bilesiń be?»: Jelide Almatyda bolǵan qyz ben jigittiń arasyndaǵy janjaldyń vıdeosy tarady

Áleýmettik jelide Almatyda qyz ben jigittiń arasyndaǵy janjal túsirilgen vıdeo tarady. Bul týraly Stan.kz aqparat agenttigi habarlaıdy.

Oqıǵa túnde jol ortasynda bolǵan. Vıdeodan qyzdyń jylap, ózin vıdeoǵa túsirlgen jigitke aıqaılap jatqanyn kórýge bolady. Vıdeoda qyz óziniń Qarasaı aýdany basshysynyń qyzy ekenin aıtady.

Almaty polıııa departamenti oqıǵaǵa qatysty túsinikteme berdi.

«Almaly aýdandyq polıııa bóliminiń qyzmetkerleri quqyq buzýshylarǵa zańnamaǵa sáıkes shara qoldandy. Olardyń ústinen qoǵamdyq orynǵa mas kúıinde shyǵyp, tynyshtyqty buzý faktileri boıynsha ákimshilik is materıaldary jınaldy», – delingen habarlamada.

Vıdeoǵa qatysty Qarasaı aýdandyq ákimdigi de málimdeme jasady.

“Qarasaı aýdanynyń ákimdigi mas kúıdegi azamatshanyń qatysýymen túsirilgen vıdeoda taraǵan aqparatty resmı túrde joqqa shyǵarady. Tekserý azamatshanyń Qarasaı aýdanynyń basshylarymen týystyq baılanysynyń joqtyǵyn rastady. Onyń málimdemeleri jalǵan jáne shyndyqqa janaspaıdy. Quqyq qorǵaý organdary azamatshany jala jabý, ar-namys pen abyroıǵa nuqsan keltirgeni úshin jaýapkershilikke tartý máselesin sheshýde”, – delingen ákimdik habarlamasynda.

Eske salsaq, buǵan deıin jelide Almatydaǵy qyzdar arasyndaǵy tóbelestiń vıdeosy taraǵan edi.