«Ákesi Aısultan, ájesi Darıǵa»: Nazarbaevtar áýleti jaıly taǵy bir derek áshkere boldy

Foto: ashyq derekkóz

Saıası belsendi Serikjan Esenǵosuly sýrrogattyq jolmen dúnıege kelgen balalar týraly sóz qozǵap, Nazarbaevtar áýletine qatysty bir  derekti aıtty, dep habarlaıdy ulysmedia.kz.

«Yqpaldy áýlettiń sýrrogattyq jolmen dúnıege kelgen balalary týraly sóz bolǵanda shynaıy bir oqıǵa esime túsip ketti. Ananyń sýrrogattyq emes, óz balasyn tartyp alǵan. Ony nekesiz týǵan balasynan bas tartýǵa májbúrlegen. Ul balany ákesiniń sheshesi, ıaǵnı ájesi asyrap alǵan. Qyz balasyn saǵynyp zaryǵady, biraq qolynan keler qaıran joq. Bir kezdesýdi armandaıdy. Bir qalada tursa da, kezdesý múmkin emes. Ol balasymen aralassa da, ony eshqashan qaıtara almaıtynyn túsinedi. О́ıtkeni, balanyń ákesiniń esimi Aısultan, ájesiniń esimi Darıǵa…», – dep jazdy ol.

AISULTAN NAZARBAEV TÝRALY NE BELGILI

Aısultan Nazarbaev – Darıǵa Nazarbaeva men Rahat Álıevtiń ekinshi uly. Ony buqaralyq aqparat quraldary kóbinese «Elbasynyń súıikti jıeni» dep ataıdy.

1990 jyly 26 tamyzda ómirge kelgen. Bala kezden fýtbolǵa qyzyqqan. 2006 jyly Qazaqstannyń jasóspirimder quramasynyń sapynda Eýropa chempınatynyń irikteý týrnırine qatysty. «Chelsı» jáne «Portsmýt» jastar komandalary men qazaqstandyq «Astana» komandasynda oınaǵan.

2013 jyly «QazRomGaz» AQ basshysy Qaırat Boranbaevtyń qyzyna úılengen bolatyn. 2016 jyldyń jazynda eki jastyń otbasynda Amelı esimdi qyz dúnıege keldi.

2019 jyldyń sáýir aıynda Aısultan Nazarbaev feısbýktegi jeke paraqshasynda aty-jónin Aısultan Rahat (Aisultan Rakhat) dep, al otbasylyq jaǵdaıyn «ajyrasqan» dep ózgertken.

Ondaǵy málimetke súıensek, tuńǵysh prezıdenttiń jıeni 2019 jyldyń 5 aqpanynda ajyrasqan.

Aısultan Nazarbaev 16 tamyzǵa qaraǵan túni Londonda qaıtys boldy.

Aldyn ala nusqa boıynsha júregi toqtap qalǵan. О́zge málimetter jarııa etilmedi.