Ákesi balalar úshin kóligin satqan: Alty jasar qazaq qyzy álem chempıony boldy

Foto: Samat Qunaevtyń jeke muraǵatynan

Abý-Dabıdegi týrnırde qyzy Hadııamen qosa, bapkerdiń jattyǵýlaryna qatysyp júrgen shákirtteri – 8 jasar Sırın álem chempıony atansa, 13 jasar Salsabıl úshinshi orynnan kórindi.

Ekibastuzdyq alty jasar Hadııa Qunaeva djıý-djıtsýdan Ábý-Dabıde ótken halyqaralyq dodada KIDS 2 sanatynda mereıi ústem bolyp, álem chempıony atandy, dep habarlaıdy  qandastar.kz Skifnews.kz aqparat portalyna silteme jasap.

Chempıon qyzdy ákesi jattyqtyrady. Sondaı-aq, Hadııanyń ákesi taǵy bes balany sportqa baýlıdy.

Samat Nurtaıuly búginde balalardy djıý-djıtsýge baýlyp júr. О́z balalarynan bólek, Ekibastuz boıynsha 100-deı bala onyń tálimin alýda. Abý-Dabıdegi týrnırde qyzy Hadııamen qosa, bapkerdiń jattyǵýlaryna qatysyp júrgen shákirtteri – 8 jasar Sırın álem chempıony atansa, 13 jasar Salsabıl úshinshi orynnan kórindi.

Aıta keteıik, bul týrnırge balalardy aparyp qatystyrý úshin Samat Qunaev óziniń jeke avtokóligin satyp jibergen. Aqshanyń kóp bóligi ushaqpen ushýǵa, jatar orynǵa ketkenin aıtady.