«Ákesi – eks-depýtat»: Almatyda kúzetshini taptap óltirgen er adamǵa qatysty tergeý toqtatyldy

Kollaj: massaget.kz

Almatyda «Merkýr Taýers» turǵyn úıiniń kúzetshisin kóligimen birneshe ret qatygezdikpen qaǵyp óltirgen eks-depýtattyń balasynyń isine qatysty jańa derek belgili boldy, – dep habarlaıdy qandastar.kz  Skifnews.kz aqparat portalyna silteme jasap.

Almaty prokýratýrasy Tenginews.kz redakııasyna bul is boıynsha sotqa deıingi tergeý 29 naýryzda bastalǵanyn habarlaǵan.

«Qazirgi ýaqytta qylmystyq qýdalaý organy Qylmystyq is júrgizý kodeksiniń 45-babynyń 7-bóliginiń 4-tarmaǵynyń negizinde sotqa deıingi tergep-tekserýdi toqtatý týraly sheshim qabyldady», – deıdi vedomstvo ókilderi.

Bul bapta sotqa deıingi tergep-tekserý merzimi zańda belgilengen tártippen kýálandyrylǵan kúdiktiniń, aıyptalýshynyń psıhıkasynyń ýaqytsha buzylýy nemese ózge de aýyr syrqaty kezinde toqtatylady dep kórsetilgen.

Eske salaıyq, jantúrshigerlik oqıǵa bıyl naýryz aıynda bolǵan edi. Almatydaǵy elıtaly úıdiń turǵyny kúzetshini asqan jaýyzdyqpen óltirgen.