Ákesiniń ýádesin oryndadym: Anasy 5 synyptaǵy ulyna telefondy qıyndyqpen ápergenin aıtty

Foto: Ashyq derekkóz

Instagram jelisinde «qınalǵan» ananyń qaldyrǵan pikiri kópshilikti oılandyryp qoıdy, dep habarlady Qandastar.kz. Pikir Kaspı dúkeniniń platformasynda jazylǵan. Onda anasy 5 synypta oqıtyn ulyna telefondy qıyndyqpen ápergenin jazǵan.

– «5-synyptaǵy ulyma áperdim, synyptastarynyń bárinde bar eken. Ákesi tiri kezinde 5-synypta áperem deýshi edi. Ol byltyr, ıaǵnı ulym 4-synyp oqyp júrgende qaıtys boldy. Ulymmen syrlasyp otyrǵanymda, papam tiri bolǵanda telefon áperer edi dep qaldy. Osylaısha Kaspı-men bólip tóleýge 3 balama áperdim. Aıyna 8350 teńgeden tóleımin. Alla qýat bersin, qutylarmyn, – dep qaldyrǵan.

Jeli qoldanýshylary qamyqqan ananyń nomerin taýyp, nesıesin jaýyp berýge nıetti ekenin jetkizgen. «Balasy úshin baryn beretin analarǵa kúsh-qýat bersin», «Kaspı magazın bir jaqsylyq jasap, nesıesin keshiredi degenge senip otyrmyn», «Nomerin qalaı tabýǵa bolady, nesıesin ótep bersek» degen pikirler kóp.