«اقيقات پا? جالا ما?»: Air Astana ۇشقىشىنىڭ قورعاۋشىلارى ءوز دالەلدەرىن جاريالادى

فوتو: orda kz

قىز زورلادى دەپ ايىپتالعان ۇشقىشتىڭ ءىسى ءالى ءجۇرىپ جاتىر. بۇل جولى ونىڭ تۋىستارى مەن قورعاۋشىسى ءوز نۇسقاسىن مالىمدەدى. زورلىق جاسادى دەپ ايىپ تاعىلعان ۇشقىشتىڭ ءىسى وزگەشە ارناعا اۋىستى, دەپ جازدى qandastar.kz

ناۋرىز ايىندا Orda.kz جابىرلەنۋشىنىڭ ايتقانىن جاريالاعان بولاتىن. ءبىز سول كەزدە كۇدىكتى ازاماتقا حابارلاسقان ەدىك, الايدا ول سول كەزدە پىكىر بىلدىرۋدەن باس تارتتى. ەندى كۇدىكتى تاراپ ءوز نۇسقاسىن ۇسىندى.

ەسكە سالا كەتەيىك, جابىرلەنۋشى (العاشقى ماقالادا ءبىز ونى جۇلدىز دەپ اتادىق, سول بۇركەنشىك اتپەن اتاي بەرەمىز) ءوز سوزىندە  مەرگەندەر قاۋىمداستىعىنىڭ مۇشەسى ەكەنىن, بۇل سپورت تۇرىمەن بەس جىلدان استام ۋاقىت اينالىساتىنىن ايتقان ەدى. ول قوناەۆ قالاسىنىڭ ماڭىنداعى مەرگەندەرگە ارنالعان كلۋبتا جاتتىققان. 2024 جىلدىڭ 6 قازانىندا ءبىر جاتتىعۋدان كەيىن الماتىعا بارۋى كەرەك بولىپ, باپكەر كلۋب مۇشەلەرىنىڭ بىرىنەن جۇلدىزدى جەتكىزىپ سالۋدى وتىنگەن. قىزدىڭ ايتۋىنشا, قالاعا كەلگەن سوڭ, ەر ادام تەلەفون قۋاتتاعىشىن الۋ كەرەك ەكەنىن ايتىپ, ونى پاتەرىنە كىرگىزۋگە كوندىرگەن. ونىڭ سوزىنە قاراساق, سول جەردە ول جۇلدىزدى ەركىنەن تىس, زورلاعان كورىنەدى. ال ەندى كۇدىكتى بولىپ وتىرعان تاراپتىڭ جاۋابى مۇلدە باسقاشا بولىپ وتىر.

ۇشقىشقا بۇرىنعى سۇيىكتىسى ارقىلى شىققان

ۇشقىشتىڭ قارىنداسى ەلۆيرا ابدراحمانوۆانىڭ ايتۋىنشا, جۇلدىز بۇل وقيعا بولماس بۇرىن, 2024 جىلدىڭ تامىزىندا باۋىرىنىڭ بۇرىنعى سۇيىكتىسى نادەجدامەن ارالاسقان:

«جۇلدىز الەۋمەتتىك جەلىدە اتىس جاتتىقتىرۋشىسى نادەجداعا (اتى وزگەرتىلدى), ياعني باۋىرىمنىڭ بۇرىنعى قىزىنا جازىلعان. حابارلامالارىندا ول اتىس سپورتى قىمبات پا دەپ سۇراعان, كلۋبقا قالاي كىرۋگە بولادى دەپ قىزىقتى. نادەجداعا ءسۇيسىنىپ, ماقتاپ جازدى. جۇلدىز كلۋبتا جاتتىعۋدى 2024 جىلدىڭ تامىز ايىنىڭ سوڭىندا باستاعان. جەكە تانىسۋ كەزىندە سويلەسىپ وتىرىپ, نادەجدا جىگىتىنىڭ ۇشقىش ەكەنىن ايتىپ قالعان», – دەيدى ابدراحمانوۆا.

كەيىنىرەك ءباسپاسوز ءماسليحاتىن ۇيىمداستىرۋشىلار نادەجدامەن بولعان اڭگىمەنىڭ اۋديوجازباسىن قوسىپ قويدى. اۋديوجازبادا ۇشقىشتىڭ بۇرىنعى قىزى جاڭا تانىسىنا تەك اتىس كلۋبى تۋرالى ەمەس, جەكە ءومىرى جايلى دا بايانداعانى ەستىلەدى. اتاپ ايتقاندا, ول جۇلدىزعا جىگىتى تۋرالى, ونىڭ جەتىستىكتەرى جايلى ايتقان. ول تەك كاسىبي مەرگەن عانا ەمەس, سونىمەن قاتار بەلگىلى اۋە كومپانياسىندا جاس كوماندير-ۇشقىش ەكەن. جۇلدىز ولاردىڭ جۇبىن «ميستەر مەن ميسسيس سميت» فيلمىندەگى كەيىپكەرلەرمەن سالىستىرادى.

ولار جۇپ سياقتى كورىندى

ەلۆيرا ابدراحمانوۆا ءوزىنىڭ باۋىرى قىلمىستىق ىسكە ىلىككەن سول, جايتتاردى ەگجەي-تەگجەيىنە دەيىن باياندادى:

«ول كۇنى اتىس كلۋبىندا مەنىڭ باۋىرىمنان بۇرىن تانىمايتىن ءبىر جۇلدىز دەگەن قىزدى الماتىعا اپارىپ تاستاۋدى سۇراعان. ولار بۇعان دەيىن تانىس بولماعان, بىراق سويلەسە كەلە قىز ونىڭ ءدال سول ۇشقىش نادەجدانىڭ بۇرىنعى جىگىتى ەكەنىن بىلگەنى انىقتالدى», — دەيدى قارىنداسى.

ەلۆيرانىڭ ايتۋىنشا, جۇلدىز سول تانىسقان ساتتەن باستاپ, جول بويى باۋىرىنا اشىق تۇردە «قىلىمسىپ, كوز سالىپ, قىلىق كورسەتكەن»:

«ول ءتىپتى باۋىرىمنىڭ شالبارىنا قولىن سالىپ, جىنىس مۇشەسىن ۇستاعان. انايى ازىلدەر ايتقان. قىزدىڭ ىقىلاسىن بايقاعان سوڭ, باۋىرىم وعان بىرگە تۇسكى اس ىشۋگە بارۋدى ۇسىنعان. بىراق مەيرامحاناعا بارار الدىندا جاتتىعۋدان كەيىن دۋشقا ءتۇسىپ, كيىم اۋىستىرۋ ءۇشىن ۇيگە سوعاتىنىن ايتقان», — دەدى ەلۆيرا.

ەلۆيرا ءسوزىن دالەلدەۋ ءۇشىن باۋىرىنىڭ پاتەرى ورنالاسقان تۇرعىن ءۇي كەشەنىندەگى سىرتقى باقىلاۋ كامەرالارىنان الىنعان بەينەجازبانى كورسەتتى. وندا كۇدىكتى مەن جۇلدىز وتىرعان كولىكتىڭ كەشەنگە كەلگەنى, قىزدىڭ كولىكتەن ءتۇسىپ, جىگىت كولىكتى تۇراققا قويعانشا كۇتكەنى تۇسىرىلگەن. كەيىن ەكەۋى قول ۇستاسىپ, اۋلانى بىرگە كەسىپ وتەدى.

«مىنە, ساعات 15:45-تە ولار ونىڭ ۇيىنە — تۇرعىن ءۇي كەشەنىنە كەلگەنىن كورىپ وتىرسىزدار. كامەرالاردان باۋىرىمنىڭ كولىكتى قالاي تۇراققا قويعانى انىق كورىنەدى. قاراڭىزدار, ولاردىڭ تانىسقانىنا ءبىر ساعات قانا بولسا دا, قۇشاقتاسىپ تۇر. قىز ك ۇلىمدەپ, ارقاسىمەن وعان سۇيەنىپ تۇر. كەيىن ەكەۋى قول ۇستاسىپ كەتىپ بارادى, قىز وعان قاراپ ك ۇلىمدەيدى, ءجۇرىسى ەركىن. ولار رومانتيكالىق قارىم-قاتىناستاعى جۇپ سياقتى كورىنەدى. ەش جەردە قورقىنىش, زورلىق نە قىسىم بايقالمايدى», — دەدى ەلۆيرا ابدراحمانوۆا.

ال جۇلدىز بولسا, كۇدىكتىنىڭ وعان «مەنى گەي دەپ ويلاماس ءۇشىن, تانىستارىم كورىپ قالسا, قولىمنان ۇستاپ ءجۇر» دەپ وتىنگەنىن ايتقان ەدى.

وسىدان كەيىن ەلۆيرا ابدراحمانوۆا باۋىرىنىڭ پاتەرىنىڭ ماكەتىن كورسەتتى. ونىڭ ايتۋىنشا, بۇل ماكەت جۇلدىزدىڭ زورلىق تۋرالى ايتقاندارى شىندىققا جاناسپايتىنىن دالەلدەي الادى. ۇشقىشتىڭ قارىنداسى — ساۋلەتشى, سول سەبەپتى پاتەردىڭ جوباسى مەن ىشكى قۇرىلىمىن ءوزى ازىرلەگەن, بارلىق ەرەكشەلىكتەرىن جاقسى بىلەدى.

ونىڭ ايتۋىنشا, باۋىرى مەن قىز پاتەرگە كىرگەن كەزدە دابىل جۇيەسى ىسكە قوسىلۋى كەرەك ەدى. ونى ءوشىرۋ ءۇشىن بولمەگە تەز كىرىپ, تەرەزەنىڭ جانىنداعى قۇرىلعىعا 40 سەكۋند ىشىندە كود ەنگىزۋ قاجەت. ال بۇل ءۇشىن ەسىك جابىق بولۋى كەرەك. جۇلدىز بولسا, ءوز سوزىندە بۇل تۋرالى مۇلدە ايتپاعان, تەك ۇشقىش ونى ىشكە كىرۋگە ۇگىتتەگەنىن, كەيىن ەسىكتى ق ۇلىپتاپ, قول جۋىپ كەتكەنىن ايتقان.

«شىن مانىندە, دابىلدى ءوشىرۋ ءۇشىن ول (جۇلدىز) نە بىردەن ىشكە كىرۋى كەرەك ەدى, نە سىرتتا قالىپ, ەسىك جابىق بولۋى ءتيىس ەدى. ەكى جاعدايدا دا ەگەر ول پاتەرگە كەلگەنىن ءبىلىپ قورىققان بولسا, جاي عانا كەتىپ قالۋعا مۇمكىندىگى بولعان», — دەيدى ۇشقىشتىڭ قورعاۋشىسى.

قورعاۋشى تاعى ءبىر دالەل رەتىندە ەگەر شىنىمەن ۇشقىش قىزدى كۇشتەپ كىرگىزىپ, ول قارسىلاسقان بولسا, دەنەسىندە كوگەرگەن ىزدەر نەمەسە جاراقات بولۋى كەرەگىن ايتتى. الايدا, ونىڭ ايتۋىنشا, ونداي بەلگىلەر بولماعان.

سونىمەن قاتار, جۇلدىز ءوز سوزىندە قاتتى ايقايلاعانىن ايتقان. الايدا ەلۆيرا ابدراحمانوۆانىڭ ايتۋىنشا, جەكسەنبى كۇنى, تۇستەن كەيىن كورشىلەردىڭ ءبىرى قىزدىڭ ايقايىن ەستيتىن ەدى, بىراق ونداي كۋاگەر تابىلماعان.

«ول بىرنەشە رەت كومەك سۇراپ, ايقايلاعانىن, ال باۋىرىم وعان داۋىس كوتەرگەنىن ايتتى. الايدا بۇل جەكسەنبى كۇنى بولدى. ياعني, كەشكى ۋاقىت, كورشىلەردىڭ ءبارى ۇيدە بولاتىن ءسات. بۇل پاتەرلەردە دىبىستى وقشاۋلاۋ ناشار. ايقاي مەن ارپالىس دىبىستارىن مىندەتتى تۇردە بىرەۋ ەستۋى كەرەك ەدى», — دەدى ول.

ۇشقىشتىڭ قارىنداسى مەن ادۆوكاتى جۇلدىزدىڭ دەنەسىندە ەشقانداي جاراقات بولماعانىن سوت-مەديتسينالىق ساراپتاما دالەلدەدى دەپ وتىر.

«جىنىس مۇشەلەرىنەن دە زورلىق بەلگىلەرى تابىلمادى. ءتىپتى, ول باۋىرىمنىڭ مەنى تۇنشىقتىردى دەگەن سوزىنە قاراماستان, موينىندا دا ەشبىر ءىز بولماعان», — دەدى ابدراحمانوۆا.

«سىيلىق ەكەنىمدى ءتۇسىندىڭ عوي»

ۇشقىشتىڭ قارىنداسىنىڭ ايتۋىنشا, جىنىستىق ەمەۋرىندى قىز باستاعان, ال جانجال ونىڭ اقشا جونىندەگى استارلى سوزدەرىنەن كەيىن بولعان:

«شىن مانىندە نە بولدى? پاتەردە جۇلدىز ءوزىن ەركىن ۇستادى, جاقىنداسۋعا نيەت تانىتتى. ولار ءسۇيىستى, قۇشاقتاستى. باۋىرىم وعان سيمپاتيا تانىتىپ, جاۋاپ قايتاردى. الايدا قىز: «سىيلىق ەكەنىمدى ءتۇسىندىڭ عوي?!» — دەگەندە, وعان بۇل ءسوز ۇنامادى. مۇنى ورىنسىز دەپ باعالاپ, ءارى قاراي سويلەسۋدەن باس تارتتى. سول كەزدە جۇلدىز: «مەن شەشىندىم, دەمەك اقشا تولەۋىڭ كەرەك» دەدى. ارتىنان: «ساعان قازىر سەنى ورنىنا قوياتىن ادامدار كەلەدى» دەپ قورقىتقان», — دەيدى قارىنداسى.

ءباسپاسوز ءماسليحاتىندا كورسەتىلگەن تاعى ءبىر بەينەجازبادا جۇلدىزدىڭ پاتەردەن شىققان سوڭ, اۋلانىڭ ىشىندە جۇرگەنى كورىنەدى. قورعاۋشى تاراپتىڭ ايتۋىنشا, ول كادرلاردا قىز سابىرلى كورىنەدى, ەشقانداي زورلىق كورگەن ادامعا ۇقسامايدى. بەينەجازبادا ول اۋلانىڭ ىشىندە جالاڭاياق, شالبار مەن بيۋستگالتەر كيگەن كۇيدە, قولىن باسىنا قويىپ ءجۇرىپ بارا جاتقان ءساتى تۇسىرىلگەن.

ۇشقىشتىڭ قارىنداسى جۇلدىزدىڭ تاعى ءبىر مالىمدەمەسىنە جاۋاپ بەردى. قىز پاتەردەگى ءتىنتۋ كەزىندە كۇدىكتىنىڭ قويماسىنان ايەلدەردىڭ كيىمى مەن كوپ مولشەردە ماي تابىلعانىن ايتقان بولاتىن. الايدا ابدراحمانوۆا بۇنىڭ جالعان ەكەنىن ايتادى:

«قۇقىق قورعاۋ ورگاندارىنىڭ رەسمي قۇجاتتارىندا ونداي زاتتار تىركەلمەگەن», — دەيدى ول.

ال جۇلدىز بولسا, بىزگە بەرگەن جاۋابىندا, پوليتسەيلەر بۇل زاتتارعا نازار اۋدارماعانىن جانە ولاردى ايعاق رەتىندە تىركەمەگەنىن ايتقان.

ۇشقىشتىڭ بۇرىنعى قىزى بۇل وقيعا تۋرالى نە دەيدى

سپيكەرلەردىڭ ايتۋىنشا, ول ءباسپاسوز ءماسليحاتىنا ءوزى قاتىسقىسى كەلگەن. الايدا قازىرگى تاڭدا شەتەلدەگى جارىستا ءجۇر. سوندىقتان ونىڭ اڭگىمەسىنەن الىنعان اۋديوجازبا قوسىلدى.

نادەجدا جۇلدىزبەن بىرگە قوناەۆتان الماتىعا اتتانعان كەزىن ەسكە الدى. ولار اتىس كلۋبىنىڭ ەكى جىگىتىمەن بىرگە جول جۇرگەن. ول كەزدە, نادەجدانىڭ ايتۋىنشا, جۇلدىز جولاۋشىلارعا اشىق قىلمىڭداعان.

«مەن تانىستارىمنان ءبىزدى قالاعا جەتكىزىپ سالۋدى سۇرادىم. ولار كەلىستى. ءبىز كولىككە وتىردىق. ىشىندە ەكى جىگىت بولدى. جۇلدىز ولاردان: «سنايپينگكە قاتىسقان قىمبات پا, الدە پراكتيكالىق اتىس قىمبات پا?» دەپ سۇراپ وتىردى. نەگىزىنەن بۇل سپورتتىڭ قىمباتتىعى مەن وعان كوپ تابىس تابۋ كەرەك ەكەنىن تالقىلادىق. ياعني, بۇل سپورتقا ەكونوميكالىق جاعىنان قارادىق. سونىمەن قاتار, ول جىگىتتەرگە ەرەكشە قىلىمسىدى. ماعان ءتىپتى, ول سولاردىڭ ىشىنەن جىگىت ىزدەپ وتىرعانداي كورىندى. ال ول جىگىتتەر بولسا, ەداۋىر ەگدە جاستا ەدى», — دەدى نادەجدا.

سونداي-اق, نادەجدا 6 قازاندا بولعان وقيعاعا بايلانىستى پىكىر ءبىلدىردى. بۇل كۇنى جۇلدىز پوليتسياعا ونىڭ بۇرىنعى جىگىتىنە شاعىم ءتۇسىرىپ, نادەجدا بۇل ىسكە ارالاسۋعا ءماجبۇر بولعان. ونىڭ ايتۋىنشا, سول كۇنى كەشكە جۇلدىز وعان Instagram ارقىلى حابارلاسىپ, كومەك سۇراعان. نادەجدا وعان كيىمدەرىن الىپ كەلىپ, سوت-مەديتسينالىق ساراپتاما كەزىندە قاسىندا بولعان. ءتىپتى, سول ءتۇنى ول جۇلدىزدى العاش تەكسەرگەن ساراپشىعا كومەكتەسكەن. سەبەبى مامان تۇندە جالعىز كەزەكشىلىكتە بولعان جانە سۋرەتكە تۇسىرۋگە كومەك قاجەت ەكەنىن ايتقان.

مامان بولماسا دا, نادەجدا زورلىق بەلگىلەرىن بايقاماعانىن سەنىمدى تۇردە مالىمدەدى:

«ول ءوز تۇسىنىكتەمەسىندە تىرناق ءىزى, قان كەتۋ بار دەپ ايتتى. بىراق ونداي ەشتەڭە بولعان جوق. نە كوگەرگەن ءىز, نە جارا — ەشتەڭە بولمادى. سول كەزدە مەندە ءبىرتۇرلى سەزىم پايدا بولدى. ول بىردەڭەنى جاسىرىپ تۇرعانداي بولدى», — دەيدى نادەجدا.

بۇرىنعى جىگىتى تۋرالى نادەجدا جاقسى پىكىر ايتتى. ونى مەيىرىمدى, قامقور ادام رەتىندە سيپاتتادى, ەشقاشان قاتىگەزدىگىن بايقاماعان. ەكەۋىنىڭ ايرىلىسۋىنا سەبەپ — نادەجدا بالا سۇيگىسى كەلگەن, ال جىگىتى وتباسىن قۇرۋعا دايىن بولماعان.

ءباسپاسوز ءماسليحاتىنىڭ قورىتىندىسىندا ەلۆيرا ابدراحمانوۆا جۇلدىزدىڭ ۇشقىشتان قوماقتى اقشا العىسى كەلگەنىن تاعى ءبىر مارتە اتاپ ءوتتى.

قىلمىستىق ءىس 7 قازاندا قوزعالعان. ال 19 قازاندا جابىرلەنۋشى تاراپتىڭ ادۆوكاتى قارسى تاراپقا ءۇش ميلليون تەڭگە كولەمىندە ازاماتتىق تالاپ جولداعان:

«قىزدىڭ وكىلدەرى بىزگە فايل جىبەردى. بۇل — ءۇش ميلليون تەڭگە كولەمىندە ماتەريالدىق شىعىندى ءوندىرۋ تۋرالى تالاپ ارىز. ايتۋىنشا, جۇلدىز باۋىرىمنىڭ پاتەرىندە قىمبات زاتتارىن قالدىرعان ەكەن. مىسالى, Dyson فيرماسىنىڭ فەنىن, توسەك جابدىعى جيىنتىعىن…», — دەدى.

سوڭىندا ۇشقىشتىڭ قارىنداسى قورعاۋشى تاراپتىڭ قولىندا ونىڭ كىناسىزدىگىن دالەلدەيتىن بارلىق ايعاقتار بار ەكەنىن مالىمدەدى.

ال جابىرلەنۋشى تاراپتىڭ ادۆوكاتى اسەل سۇلتانمۋراتوۆا «وردا» تىلشىسىنە بەرگەن سۇحباتىندا بىلاي دەدى:

«ۇشقىشتى قورعاۋ تاراپىنان كەلتىرىلگەن ۋاجدەر شىندىققا جاناسپايدى. قىلمىستىق ءىس ماتەريالدارىندا كۇدىكتىگە تاعىلعان ايىپتى دالەلدەيتىن ناقتى ايعاقتار بار», — دەدى اسەل سۇلتانمۇراتوۆا.

«وردا» بۇل ءىستى ءارى قاراي باقىلاۋدا ۇستايدى. تەرگەۋ ءالى اياقتالعان جوق, سوت قاشان باستالاتىنى دا ازىرگە بەلگىسىز.