مادەنيەت
اكىم: اقتاۋ تۇركى الەمىنىڭ مادەني استاناسى بولادى
فوتو: اشىق دەرەككوز
اقتاۋ قالاسى – تۇركى الەمىنىڭ 2025 جىلعى مادەني استاناسى رەتىندە بەلگىلەندى. ءبىر جىل بويى اقتاۋ قالاسى تورتكۇل دۇنيەنىڭ ەرەكشە نازارىندا بولادى. بۇل تۋرالى وكق وتكەن ءباسپاسوز كونفەرەنتسياسىندا ماڭعىستاۋ وبلىسىنىڭ اكىمى نۇرداۋلەت قيلىباي باياندادى, دەپ جازدى qandastar.kz
وڭىردە تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىقتى, تۇركىلىك مادەنيەت پەن ونەردى ۇرپاقتان ۇرپاققا جەتكىزىپ, ونى الەمگە تانىتۋ ماقساتىندا ءتۇرلى ءىس-شارالار ۇيىمداستىرىلادى.
مادەني جىل ناۋرىز ايىندا TURKSOY ۇيىمىنا قاتىسۋشى ەلدەردىڭ مادەنيەت مينيسترلەرى كەڭەسىنىڭ وتىرىسىمەن جانە تۇركى ەلدەرى جۇلدىزدارىنىڭ گالا-كونتسەرتىمەن اشىلادى.
«تۇركى الەمىنىڭ مادەني استاناسى بولۋ ماڭعىستاۋ ءوڭىرى ءۇشىن ۇلتتىق سالت-ءداستۇر مەن ءتول ونەرىمىزدى الەمگە تانىتىپ قانا قويماي, ايماقتىڭ تۋريستىك الەۋەتىنىڭ ارتۋىنا, ءوڭىر حالقىنىڭ ءال-اۋقاتىنىڭ جاقسارۋىنا وڭ اسەرىن تيگىزەدى»,- دەدى ايماق باسشىسى نۇرداۋلەت قيلىباي.
