Ákim burynǵy áıelin 11 jyl boıy uryp-soǵyp, azaptaǵan

Áıeldiń aıtýynsha, burynǵy kúıeýi Rınat Ibragımov Atyraý oblysy Maqat aýdanynyń ákimi qyzmetin atqarady. Buryn sportshy bolyp, tipti Olımpıada oıyndaryna qatysqan eken.

Aqmaral Úmbetqalıevanyń sózinshe, ákim kúıeýi ony balalarynyń kózinshe uryp, múgedek qylamyn degen. 2021 jyly mas kúıinde urǵan kezde betin syndyrypty. Sońǵy ret 2023 jyly soqqyǵa jyqqanda keýde omyrtqasy synyp, bir aı boıy aıaǵyn basa almaı qalǵan eken. Sol kezde kúıeýi kelip, balalaryn alyp ketip, sol kúıi kórsetpeı qoıǵan.

Atyraý oblysy polıııa departamentiniń habarlaýynsha, is sotqa 2024 jyly aqpanda jiberilipti. Al oblystyq sot, iske qatysty kelesi sot otyrysy 29 mamyr saǵat 10.00-de bolatynyn habarlady.