«Ákim orynbasary bolyp, degradaııaǵa ushyraısyń»: Shyńǵys Muqan memlekettik qyzmettiń qıyndyǵy týraly

Foto: ashyq derekkóz

Garvard ýnıversıtetiniń túlegi, «Mazmundama» jobasynyń negizin qalaýshy Shyńǵys Muqan jýrnalıst Erlan Ábdirulyna bergen suhbatynda ákimniń orynbasary qyzmetinen shetelge oqýǵa ne úshin ketkenin aıtty, – dep habarlaıdy Alash.KZ Massaget.kzmaterıalyn negizge alyp.

Onyń aıtýynsha, «shetelde oqımyn» degen maqsatyna jetý úshin 15 jyl qajet bolǵan.

«3-4 jyl buryn bir jigittermen dastarhandas boldyq. Amerıkadan oqyp kelgen kezim edi. Sonyń ishindegi eki jigit shetelde oqyǵan azamattar eken. Surastyrsam, shetelge 35-37 jastarynda baryp, oqyǵan. Men de 32 jasymda bardym ǵoı. Keıin taǵy bir otyrysta jastarmen otyryp qaldym. Kópshiligi 20-22 jasynda shetelden bilim alyp kelgender. Nege deseńiz, biz aýyldan qalaǵa kelgen kezde Almaty, Astana bizge shetel bolyp kórinetin. Osy qalanyń mádenıetine erýdiń ózi bizge jetistik, úlken qýanysh edi. Qalada turatyn adamdarǵa shetel kórý bir attaı salatyn etap boldy. Sondyqtan meniń qurdastarym, tóńiregimnen «bálenshe shetelde oqyp kelipti» degenderdi estıtinmin. Sosyn «men de shetelde oqyp kelemin» degen maqsat boldy. Biraq ol maqsatqa jetý úshin maǵan kemi 15 jyl qajet bolypty. О́mirińdi turaqtandyrasyń, turaqty tabysyń bolady. Sodan keıin ǵana shetelge barasyń ǵoı», – dedi ol.

Shyńǵys Muqan memlekettik qyzmet degradaııaǵa ushyratatynyn aıtty.

«Memlekettik qyzmetke kelýim qyzyq boldy. Buryn «Jas Alashta» ashyqtan ashyq synaıtynbyz ǵoı. Sol úshin memlekettik qyzmetti kórgim keldi. Biraq memlekettik qyzmette kóp istemedim. Atyraý oblysy ákiminiń orynbasary bolyp tórt jyl qyzmet ettim. Kúndelikti bir nárseni isteı beremiz. Kelesi jyl sol qaıtalanady. «Biz durys istep jatyrmyz ba» dep oılanatynmyn. Sóıtip, burynǵy «shetelde oqımyn» degen maqsatym qosylyp, eki jyl shetelde bilim alyp keldim. Ońaı bolmady, biraq ókinbedim. Ákim orynbasary bolyp, degradaııaǵa ushyraısyń», – dedi ol.