جاڭالىقتار
اكىمدەر تاسقىننان كەيىن سالىنىپ جاتقان ۇيلەردىڭ ساپاسىنا جەكە جاۋاپ بەرەدى – بەكتەنوۆ
فوتو: اشىق دەرەككوز
پرەمەر-مينيستر ولجاس بەكتەنوۆ سۋ تاسقىنىنان كەيىن تۇرعىن ۇيلەر مەن ينفراقۇرىلىمدى قالپىنا كەلتىرۋ ماسەلەلەرى بويىنشا كەڭەس وتكىزدى, دەپ حابارلايدى ۇكىمەتتىڭ ءباسپاسوز قىزمەتى.
ۇكىمەتتىڭ مالىمەتىنشە, سۋ تاسقىنى سالدارىنان بارلىعى 19 342 جىلجىمايتىن م ۇلىك (جالعىز باسپانا بولىپ سانالاتىن ۇيلەر مەن ساياجايلار) زاقىمدانعان, ونىڭ 8 578-ءى قالپىنا كەلتىرۋگە جارامسىز دەپ تانىلعان.
«بۇگىنگى تاڭدا 2 578 ءۇي قۇرىلىسى مەن 6 مىڭ جىلجىمايتىن م ۇلىكتى ساتىپ الۋ بويىنشا جۇمىستار جۇرگىزىلۋدە», – دەلىنگەن ۇكىمەت حابارلاماسىندا.
پرەمەر-مينيستر سقو-دا 200, پاۆلودار وبلىسىندا 5 جاڭا ءۇي قۇرىلىسىنىڭ جەدەل جۇرگىزىلگەنىن اتاپ ءوتتى. سونداي-اق جۋىردا قوستاناي وبلىسىندا 22 ءۇي تاپسىرىلادى.
اكىمدىكتەر قاجەتتى قارجىمەن تولىق قامتاماسىز ەتىلدى, بارلىق كەمشىلىكتەر جويىلدى, سالىنىپ جاتقان ۇيلەردىڭ ۇلگىلىك جوبالارى بەكىتىلدى.
«جەكەلەگەن وڭىرلەردە جۇمىس كەستەسىنەن 15-25 كۇنگە ارتتا قالۋشىلىق بار. اتاپ ايتقاندا, باتىس قازاقستان, اقتوبە, اقمولا جانە اتىراۋ وبلىستارىندا قۇرىلىس قارقىنى تومەن», – دەپ اتاپ ءوتتى ۇكىمەت.
بەكتەنوۆ اكىمدەرگە ءاربىر نىسانعا ادامدار مەن تەحنيكا جۇمىلدىرۋدى تاپسىرىپ, پرەزيدەنت جۇكتەگەن مىندەتتەردى ورىنداۋ ءۇشىن شامامەن 2,5 اي قالعانىن ەسكە سالدى.
بۇل رەتتە ول قۇرىلىس نورمالارىن بۇزۋعا جول بەرمەۋ كەرەكتىگىن تالاپ ەتتى.
«قالپىنا كەلتىرۋ جۇمىستارىنىڭ قارقىنىن جەدەلدەتۋ قاجەت. قۇرىلىس ماتەريالدارىن جەتكىزۋگە, ەڭبەك رەسۋرستارى مەن ارنايى تەحنيكانى الاڭداردا جۇمىلدىرۋعا بايلانىستى بارلىق ماسەلەنى جىلدام شەشۋ كەرەك», – دەدى بەكتەنوۆ.
ول كەستەدەن كەشىگۋگە اكەلىپ سوعاتىن بارلىق پروبلەمالار تۋرالى دەرەۋ ورتالىققا حابارلاۋ كەرەتىگىن ايتتى.
«قاجەت بولسا, ءبىز رەسۋرستاردى قايتا ءبولىپ, تەحنيكا مەن ادامداردى كوبەيتەمىز. بارلىق قۇرىلىس نورمالارى مەن قاۋىپسىزدىك تالاپتارىنىڭ ساقتالۋىن قامتاماسىز ەتۋ ماڭىزدى. بۇل ماسەلەلەر ازاماتتاردى الاڭداتپاۋى كەرەك. وڭىرلەردىڭ اكىمدەرى ۇيلەردىڭ ساپاسىنا جەكە جاۋاپ بەرەدى», — دەدى ۇكىمەت باسشىسى.
پرەمەر-مينيستر ونەركاسىپ جانە قۇرىلىس مينيسترلىگىنە قۇرىلىس جۇمىستارىنىڭ ساپاسىن قاتاڭ باقىلاۋدى تاپسىردى.
پرەمەر-ءمينيستردىڭ تاپسىرماسى بويىنشا ونەركاسىپ جانە قۇرىلىس ءمينيسترى قانات شارلاپاەۆ, ەنەرگەتيكا جانە كولىك ۆيتسە-مينيسترلەرى جۇمىس ۋاقىتىنىڭ نەگىزگى بولىگىن بارلىق جۇمىس اياقتالعانعا دەيىن وڭىرلەردە, تىكەلەي قۇرىلىس الاڭدارىندا وتكىزەتىن بولادى.
جەرگىلىكتى جولداردى جوندەۋگە جانە رەكونسترۋكتسيالاۋعا ۇكىمەت رەزەرۆىنەن 22,7 ملرد تەڭگە ءبولىنىپ, زارداپ شەككەن وڭىرلەردەگى مەكتەپتەردى قالپىنا كەلتىرۋگە 7,5 ملرد تەڭگە باعىتتالدى. بارلىق مەكتەپ وقۋ جىلى باستالعانعا دەيىن قالپىنا كەلتىرىلەدى.
