«Ákimdik shara qoldansyn»: Astanadaǵy turǵyn úılerdiń birin 2-qabatqa deıin sý basyp qalǵan

Jelide Astana qalasyndaǵy «Jańa Arqa» turǵyn úı keshenin sý basyp qalǵany jaıly vıdeo tarady, dep habarlaıdy  qandastar.kz  Skifnews.kz aqparat portalyna silteme jasap.

Turǵyndardyń biri ákimdikke vıdeo-úndeý retinde joldamaq bolyp túsirgen. Onyń aıtýynsha sý ózderi turyp jatqan turǵyn úıdiń jer tólesine kirip jatyr. Atalǵan turǵyn úıdiń qurylysy da áli aıaqtalmaı turǵan kórinedi.

«Ákimdik, ótinemin bir shara qoldanyńyzdarshy. Munda masalar, egeýquıryqtar, jaqynda sý asty qundyzdary paıda bolady. Bul «Jańa Arqa» turǵyn úı kesheni. Qordaı 87,89. Sý ekinshi qabatqa deıin kóterilip tur. Qorshaýlarynyń ózi sý ótken soń buzylyp tur. Úıimiz pandýsta ornalasqan. Sýdyń barlyǵy jertólemizge ótip jatyr. Qurylystyń qaldyqtary jel turǵan saıyn ushyp, jerge túsedi. Ony balalar ustaıdy, aýzyna salady», — dedi ol.