جاڭالىقتار
اكىمدىك ۇلكەن اۋىلىندا اەس قۇرىلىسىنىڭ باستالعانى تۋرالى اقپاراتقا جاۋاپ بەردى
الەۋمەتتىك جەلىلەر مەن مەسسەندجەرلەردە الماتى وبلىسى ۇلكەن اۋىلىندا اتوم ەلەكتر ستانتسياسىنىڭ قۇرىلىسى باستالعانى تۋرالى اقپارات تاراپ جاتىر. وبلىستاعى جامبىل اۋدانىنىڭ اكىمدىگى اقپاراتتى تەرىستەدى, دەپ حابارلايدى lysmedia.kz سايتىنا سىلتەپ.
بەينەروليكتە, بولجام بويىنشا, “Google Maps” ونلاين سەرۆيسى ارقىلى قۇرىلىس وبەكتىلەرى كورسەتىلەدى.
حابارلامادا ونداعى نىسانداردىڭ اتوم ەلەكتر ستانساسى ەكەنى شىندىققا جاناسپايتىنى ايتىلادى.
“بەينەجازبادا كورسەتىلگەن نىسان 2011 جىلى بالقاش جىلۋ ەلەكتر ورتالىعى (جەس) قۇرىلىسى جوباسىن جۇزەگە اسىرۋ كەزىندە سالىنعان ينفراقۇرىلىم.
جوبا كومىرمەن جۇمىس ىستەيتىن جىلۋ ەلەكتر ستانتسياسىنىڭ قۇرىلىسىن قامتىدى. جوبا اياسىندا ءتيىستى ينفراقۇرىلىمنىڭ, سونىڭ ىشىندە جۇمىسشىلارعا ارنالعان تۇرعىن كەنتتىڭ قۇرىلىسى باستالدى.
2014 جىلى «بالقاش جىلۋ ەلەكتر ورتالىعى» جوباسىن جۇزەگە اسىرۋ توقتاتىلدى” دەلىنگەن رەسمي حابارلامادا.
اكىمدىك مالىمەتىنشە, ونلاين-سەرۆيستىڭ كارتوگرافيالىق دەرەكتەرىنە تۇزەتۋلەر ەنگىزۋ جانە جالعان اقپاراتتىڭ ودان ءارى تارالۋىنا جول بەرمەۋ ءۇشىن قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە ء(تسدياوم) ءوتىنىم جىبەرىلگەن.
ەل ۇكىمەتى جالپىۇلتتىق رەفەرەندۋمدا اەس سالۋ تۋرالى شەشىم قابىلدانسا, ونىڭ قۇرىلىسىن الماتى وبلىسى ۇلكەن اۋىلىندا جۇرگىزۋدى جوسپارلاپ وتىر. رەفەرەندۋم 6 قازانعا جوسپارلانعان.
