«اكىمدىكتەگىلەر ۇيالىپ قالماسىن»: ەندى نازىم قىزايبايدىڭ توز-توزى شىققان كوشەسى تالقىعا ءتۇستى

فوتو: inbusiness.kz/ olympic

كەشە الەۋمەتتىك جەلىدە پاريج وليمپياداسىنىڭ چەمپيونى ەلدوس سمەتوۆ تۇراتىن كوشەگە اسفالت توسەلگەنى تۋرالى ۆيدەو تالقىعا ءتۇستى. ەندى بۇگىن ايەلدەر اراسىنداعى كۇرەستەن جارتىلاي فينالدا باق سىنايتىن نازىم قىزايبايعا قاتىستى جازبالار تارادى, دەپ حابارلايدى inbusiness.kz سايتى.

جۋرناليست نۇرسەيىت جىلقىشىباي جەلىدەگى پاراقشاسىندا «اكىمدىكتىگەلەر نۇربەك ورالباي مەن نازىم قىزايبايدىڭ كوشەلەرىن جوندەي بەرسە بولا ما?» دەپ ساۋال تاستاعان.

بۇل جازباعا بوكسشى نازىم قىزايبايدىڭ ءوزى پىكىر قالدىرعان.

«قاتتى قۋانار ەدىم. اسفالت توسەمەي-اق, تىم قۇراعاندا كوشەنى تۇزۋلەپ ءبىر قىرىپ وتسە بولار ەدى», – دەپ جازعان بوكسشى.

جۋرناليست سپورتشىنىڭ بۇل سوزدەرىن سكريندەپ, «اكىمدىكتەگىلەر نازىم قىزايبايدىڭ كوشەسىمەن ءبىر ءجۇرىپ ءوتسىن بە? بۇيىرتسا, التىن الىپ جاتسا, ۇيالىپ قالماسىن دەگەنىم عوي…» – دەپ جازبا قالدىردى.