«Ákimdiktegiler uıalyp qalmasyn»: Endi Nazym Qyzaıbaıdyń toz-tozy shyqqan kóshesi talqyǵa tústi

Foto: inbusiness.kz/ olympic

Keshe áleýmettik jelide Parıj Olımpıadasynyń chempıony Eldos Smetov turatyn kóshege asfalt tóselgeni týraly vıdeo talqyǵa tústi. Endi búgin áıelder arasyndaǵy kúresten jartylaı fınalda baq synaıtyn Nazym Qyzaıbaıǵa qatysty jazbalar tarady, dep habarlaıdy inbusiness.kz saıty.

Jýrnalıst Nurseıit Jylqyshybaı jelidegi paraqshasynda «Ákimdiktigeler Nurbek Oralbaı men Nazym Qyzaıbaıdyń kóshelerin jóndeı berse bola ma?» dep saýal tastaǵan.

Bul jazbaǵa boksshy Nazym Qyzaıbaıdyń ózi pikir qaldyrǵan.

«Qatty qýanar edim. Asfalt tósemeı-aq, tym quraǵanda kósheni túzýlep bir qyryp ótse bolar edi», – dep jazǵan boksshy.

Jýrnalıst sportshynyń bul sózderin skrındep, «Ákimdiktegiler Nazym Qyzaıbaıdyń kóshesimen bir júrip ótsin be? Buıyrtsa, altyn alyp jatsa, uıalyp qalmasyn degenim ǵoı…» – dep jazba qaldyrdy.