جاڭالىقتار
اكىمدىكتىڭ كاسىپكەرلەردىڭ جەرىن زاڭسىز تارتىپ العانى انىقتالدى
فوتو: Adam_Tumidajewicz
انتيكوردىڭ ۇسىنىسى بويىنشا شىمكەنت قالاسىنىڭ «قۇرساي» جاڭا قۇرىلىس نارىعى ۇلەسكەرلەرىنىڭ قۇقىقتارى قورعالدى, دەپ حابارلايدى qandastar.kz
سىبايلاس جەمقورلىققا قارسى قىزمەت ءۇشىن بيزنەستى شەنەۋنىكتەردىڭ زاڭسىز ارالاسۋىنان قورعاۋ باسىم مىندەت جانە اگەنتتىكتىڭ تۇراقتى باقىلاۋىندا.
قابىلدانعان شارالاردىڭ ارقاسىندا «بيزنەسكە جول» جوباسى اياسىندا ءوز بيزنەسىن اشۋدى جوسپارلاعان كاسىپكەرلەردەن جەر ۋچاسكەلەرىن نەگىزسىز الىپ قويۋدىڭ الدىن الۋعا مۇمكىندىك تۋدى.
«ماسەلەن, شىمكەنت قالاسىندا 5 كاسىپكەر مەملەكەت قاجەتتىلىگى ءۇشىن جەرلەرىن نەگىزسىز الىپ قويۋ ماەلەسىمەن انتيكورعا جۇگىندى. ولار قۇرىلىس ماتەريالدارى نارىعىنا اۋماقتاردى اباتتاندىرۋعا 600 ملن تەڭگەدەن استام قاراجات سالىپ, الايدا ولاردى الىپ قويۋ تۋرالى ۋاقتىلى حابارلاما الماعان.
بۇل رەتتە اكىمدىك 2024 جىلدىڭ شىلدەسىندە اتالعان ۋچاسكەلەردى وتەۋسىزالىپ قويۋ تۋرالى شەشىم قابىلداعان.
انتيكوردىڭ ۇسىنىسى بويىنشا جەردى الىپ قويۋ توقتاتىلىپ, اكىمدىك سوتقا تالاپتاردان باس تارتۋ تۋرالى ءوتىنىش بەردى.
بۇل كاسىپكەرلەرگە سالىنعان ينۆەستيتسيالاردى ساقتاپ قالۋعا جانە قۇرىلىس نارىعىنىڭ جۇمىسىن رەتتەۋگە مۇمكىندىك بەردى», — دەلىنگەن حابارلامادا.
