«Ákimnen nekesiz balam bar»: Nurdáýlet Qılybaı óz shyndyǵyn aıtty

Mańǵystaý oblysynyń ákimi Nurdáýlet Qılybaı Astanada ótken brıfıng barysynda jelide ózinen balam bar degen boıjetken týraly óz shyndyǵyn aıtty, dep habarlaıdy Qandastar.kz aqparat portaly.

Brıfıng moderatory qansha kedergi jasaýǵa tyrysqanymen jýrnalıst ákimnen: «eks-depýtat Yntash Naýryzovanyń aıtqandary qanshalyqty shyndyqqa janasady, bul ras pa? Ol sizden uldy bolǵanyn, qazirgi kúni alıment tólemeı júrgenińizdi aıtýda» dep surady.

Nurdáýlet Qılybaı bul saýalǵa ózinshe jaýap berdi.

«Jadyra, dostaryńyz bar ma? Men sizge osyndaı jeke suraqtardy solarǵa qoıý kerektigin aıtqym keledi. Jeke shekara degen bar. Jelide jazylǵannyń bári, taraǵannyń bári shyndyq emes. Maǵan qatysty túrli aqparattar jazylady. Men onyń birimen kelissem, taǵy birimen kelispeımin. Taǵy bir aqparattardy múlde joqqa shyǵaramyn dep jaýap bere alamyn. Menińshe mundaı jeke suraqtardy óz dostaryńyzǵa qoıǵanyńyz durys», — dep jaýap bergen Mańǵystaý oblysynyń ákimi Nurdáýlet Qılybaı.

Aıta keteıik, Yntash Naýryzova esimdi jeli qoldanýshysy oblys ákimi Nurdáýlet Qılybaıdan nekesiz balasy baryn aıtqan edi.