«Aqkerbez laıyq bolmaýy múmkin»: Baıan Maqsatqyzy «Qazaq arýyna» qatysty kútpegen málimdeme jasady

Foto: jeke paraqshalarynan

Tanymal prodıýser Baıan Maqsatqyzy “Qazaq arýyna” qatysty tyń derekti bólisti. Bul týraly qandastar.kz Stan.kzaqparat agenttigine silteme jasap habarlaıdy.

Aıta keteıik, prodıýser baıqaýdaǵy daýys berý júıesi isten shyqqanyn moıyndady.

Ol provaıderlerdiń jarty mıllıonǵa jýyq daýys berýshilerdi kótere almaı, Telegram botynyń daýysty qabyldamaı qalǵanyn aıtty. Sol sebepti de «Qazaq arýy-2024» baıqaýynyń jeńimpazy qaıtadan anyqtalatyn kórinedi.

«Qazaq arýy» baıqaýyna qatysty úlken habarlama jasaǵym kelip tur. Bizdiń provaıderler artylǵan júkti kótere almady. Bul bizdiń kinámiz emes. Telegram arna barlyq daýys berýshilerdi kótere almady. Jarty mıllıonǵa jýyq adam daýys bergisi kelgen eken. Bul baıqaýdyń úlken tanymaldylyqqa ıe ekenin bildiredi. Uıymdastyrýshy retinde provaıderlerdiń kinásin moınymyzǵa alyp, erteńgi telearnaǵa shyǵatyn efırde daýys berýdi qaıta jasaǵymyz kelip otyr», – dedi joba jetekshisi.

Onyń sózinshe, efır qalaı jazyldy sol kúıinde beriledi. Tek daýys berý úshin 2,5 saǵat berilip, silteme jańartylady. Telekórermen tikeleı efır barysynda qaıtadan daýys bere alady.

«Tarıhta birinshi ret qaıtadan daýys berý bolaıyn dep tur. Biz qashan da ádildik úshin shyryldaımyz. Bul ataqqa qaıtadan Aqkerbez laıyq bolýy múmkin nemese Aqkerbez bolmaýy da múmkin. Bári halyqtyń enshisinde», – dedi Baıan Maqsatqyzy.

Eske salaıyq, «Qazaq arýy-2024» baıqaýynyń jeńimpazy qyzylordalyq arý Aqkerbez Ysqaqqyzy atanǵan edi.

• Alaıda qatysýshylarǵa daýys berý kezinde tehnıkalyq aqaýlar týyndap, kópshilik óz tańdaýlaryn jasaı almaǵandaryna narazylyǵyn bildirgen.