جاڭالىقتار
اقمولا: 10 كۇن بۇرىن جوعالعان بالانىڭ دەنەسى تابىلدى
فوتو:
اقمولا وبلىسىندا 10 كۇن بۇرىن ءىز-ءتۇزسىز جوعالىپ كەتكەن التى جاسار بالانىڭ ءمايىتى تابىلدى, دەپ جازادى qandastar.kz
وبلىستىق پوليتسيا دەپارتامەنتىنىڭ مالىمەتىنشە, بالانىڭ دەنەسى 10 مامىردا قورعالجىن اۋدانىنداعى نۇرا وزەنىنەن تابىلعان.
كامەلەتكە تولماعان بالانىڭ جوعالعانى تۋرالى حابارلاما پوليتسيا بولىمىنە 30 ساۋىردە تۇسكەن.
«10 كۇننەن استام ۋاقىت بويى جوعالعان بالانى پوليتسيا قىزمەتكەرلەرى, توتەنشە جاعدايلار دەپارتامەنتى وكىلدەرى, ەرىكتىلەر مەن وقيعاعا بەي-جاي قاراماعان ازاماتتار ىزدەستىرۋمەن بولدى. ارىز كەلىپ تۇسكەننەن كەيىن بىردەن قىلمىستىق ءىس قوزعالدى. قازىرگى ۋاقىتتا قاجەتتى تەرگەۋ شارالارى جۇرگىزىلىپ جاتىر, ونىڭ قورىتىندىسى بويىنشا قورىتىندى پروتسەسسۋالدىق شەشىم قابىلدانادى», — دەلىنگەن حابارلامادا.
