AQMOLA OBLYSYNDA BIYL 18 MLN TÚP AǴASh EGILEDI

Osylaısha 4  myń gektardan astam ormandy alqap kógaldandyrylady. Qazir aımaqta kóshet egý jumystary bastaldy.

«Taza Qazaqstan» akııasy aıasynda ormanshylarǵa stýdentter men eriktiler de kómektesip jatyr. Bul oblys ortalyǵynyń irgesinde ornalasqan Buqpa orman alqaby.

munda qaınaǵan tirlik. Ormanshylar kúnine shamamen 5-6 gektar alqapqa kóshet egedi. Al búgin olarǵa kómekke 50-ge tarta erikti men stýdent keldi. Dastan Ermekov, oblystyq jastar resýrstyq ortalyǵynyń basshysy: – Qazirgi ýaqytta medıınalyq kolledj stýdentteri, Shoqan Ýálıhanov ýnıversıtetiniń stýdentteri barlyǵymyz shyǵyp, kóshetterdi otyrǵyzýdamyz. Bul degen Kókshetaý qalamyzdyń jan-jaǵyna aǵash otyrǵyzyp, ekologııaǵa ózimizdiń paıdamyzdy tıgizemiz degen oıdamyn. Beksultan Satqanbaev, stýdent: – Qazirgi ýaqytta tabıǵatty qorǵaýdy qolǵa alý kerek. Ekologııany jaqsartý kerek. Aǵash ottegi beredi deıdi ǵoı. Sondyqtan aǵash otyrǵyzýmen aınalysý kerek stýdentter dep oılaımyn. Osyndaı jumystarmen belsendi aınalysamyz. Memleket basshysy 2020 jylǵy Joldaýynda aldaǵy 5 jylda elimizde 2 mlrd kóshet otyrǵyzýdy tapsyrdy.

Bul mejege jetý úshin aqmolalyq ormanshylarǵa 225 mln dana aǵash egý júktelgen. Prezıdent pármenine sáıkes jergilikti sala mamandary jyldaǵy jospardy oryndap keledi. Tipti, byltyr belgilengen mejeden de asyp túskenin aıtady. Bolat Tókishev, oblystyq tabıǵı resýrstar jáne tabıǵatty paıdalaný basqarmasy basshysynyń orynbasary: – Aqmola oblysynyń leshozdary 2023 jyly 2410 gektarǵa aǵash otyrǵyzdy. 12 mıllıonnan 70 myń astam aǵash ana jyly egildi. Plandy 105 paıyzǵa kóp jasadyq. Jalpy jappaı tal egý naýqany aımaqta mamyr aıynyń sońyna deıin jalǵasady. «Taza Qazaqstan» akııasy aıasynda belsendi jastar tek kóshet egý sharasyna ǵana emes, ony kútip, sýarýǵa da atsalysady.