Aqmola oblysynda qaskóıler zırat basynda eki adamdy atyp ketken

foto: pixabay.com

Aqmola oblysynyń Aqkól qalasynda eki adamdy óltirý isi boıynsha qylmystyq is tirkeldi. Bul týraly Zakon.kz saıtyna silteme jasaǵan KAZ.NUR.KZ habarlaıdy.

Bul oqıǵa týraly qaza tapqandardyń biriniń anasynyń beıne habarlamasynan belgili boldy. Onyń aıtýynsha, qaıǵyly oqıǵa 11 tamyzda bolǵan. Onyń 26 jastaǵy uly eki kúdiktimen qaqtyǵysqa túsken.

«Meniń ulym sportshy, qoıan-qoltyq jekpe-jek jattyqtyrýshysy boldy, ózi úshin tura aldy. Muny bile otyryp, olar ony dosymen birge qaladan alyp ketti. Zıratqa aparyp, kólikten shyqqannan keıin K. olardy atýdy bastady. Meniń ulymdy atqannan keıin, onyń dosyn atyp óltirdi. Úshinshisi qashyp, jasyrynyp úlgerdi», — dedi áıel.

Onyń uly aýrýhanaǵa barar jolda kóz jumǵan. Al dosy kelesi kúni jansaqtaý bóliminde qaıtys boldy. Ekeýiniń de artynda kishkentaı balalary qaldy. Aımaq polıııasy bolǵan oqıǵaǵa qatysty túsinikteme berdi.

«Polıııa departamenti Aqkól qalasynyń eki turǵynyn óltirý faktisi boıynsha qylmystyq is qozǵalǵanyn habarlaıdy. Kúdikti adamdar ýaqytsha ustaý ızolıatoryna ornalastyryldy, ustaldy jáne qamaýǵa alyndy. Tergeý aıasynda qajetti tergeý áreketteri júrgizilip, sot saraptamalary taǵaıyndaldy», – dep habarlady Aqmola oblysy polıııa departamentiniń baspasóz qyzmeti.