Aqmola oblysynda Kóbeıtuz kólin taǵy da vandaldar búldirip jatyr

Foto: vıdeodan skrınshot

Aqmola oblysynda elimizdiń eń kórikti ári názik tabıǵı nysandarynyń biri — Kobeıtýz qyzǵylt kóline qaıta zııan keltirilýde. Astana qalasynan shamamen 150 shaqyrym qashyqta ornalasqan erekshe sý aıdyny týrısterdiń nemquraıly áreketterinen zardap shegip otyr, dep habarlaıdy Qandastar.kz

Keıbir kelýshiler kól túbinen qyzǵylt tuz jınap, ony ınternet arqyly kılogrammyn 5 myń teńgege deıin satyp jatyr. Mundaı áreketter sý aıdynynyń sırek kezdesetin ekojúıesine eleýli zııan keltiretini aıtylyp keledi.

Qazirgi tańda tártip saqshylary quqyq buzýshylardy anyqtaýǵa kiristi.

Aıta keteıik, Kobeıtýz kóli 2020 jyly erekshe qyzǵylt túsimen el nazaryn aýdaryp, birden tanymal týrıstik nysanǵa aınalǵan. Alaıda sol jyly kólge aǵylǵan halyqtyń selfı jasap, tuz jınaýǵa umtylǵany tabıǵı apatqa ákele jazdady. Sol sebepti bılik sý aıdynyna kirýdi ýaqytsha shekteýge májbúr boldy.

Ekologtar jurtshylyqqa eskertý jasady: Kobeıtýz — foto túsiretin stýdııa da, sývenır satatyn dúken de emes. Bul – muqııat qorǵalyp, saqtalýy tıis tabıǵı mura.