Aqmola oblysynda memlekettik tilge qurmet artty

Aqmola oblysynda ózge etnos arasynda, memlekettik tildi meńgergender kóbeıdi. Ásirese jastardyń yntasy zor.

Keıbiri qazaq tilin úırenip qana qoımaı, basqarlarǵa úıretýge de nıetti. Iana Krıýchek Kókshetaýdaǵy qazaq pedagogıkalyq kolledjinde oqıdy. Bolashaq qazaq tili men ádebıet pániniń muǵalimi. Bıyl oqýyn támámdaǵannan keıin,   memlekettik tildi úıretetin kýrs ashqysy keledi.

Iana Krıýchek, stýdent:  – Qazaqstanda turǵandyqtan qazaq tilin bilý ol paryz dep sanaımyn. Sebebi meniń ana tilim ol qazaq tili dep sanaımyn. Ol meniń ishime sińip ketken til. Sol sebepti qazaq tilin qurmetteımin, aıalaımyn. Oqýymdy bitirgennen keıin shákirtterime qazaq tilin berip, damytqym keledi.  Mýzyka pániniń muǵalimi Ksenııa Rerıhte memlekettik tildi úırenýge yntaly.

Sózdik qoryn baıytyp, tilin jattyqtyrý úshin qazaqsha kitapty kóp oqıdy. Nemis qyzy qazaq ánderin de súıip tyńdaıdy. Aldaǵy ýaqytta úlken sahnalarda kóringisi keledi. Ksenııa Rerıh, muǵalim: – Qazaq tilindegi kitaptardy kóp oqyp, tildiń qyr-syryn úırenýshe barynsha talpynyp kelemin. Árbir qazaqstandyq azamat qazaq tilin jaqsy bilý kerek dep esepteımin. Sondyqtan men áli de memlekettik tildi joǵary deńgeıde meńgergim keledi.

Bulandylyq polıeı Gennadıı Vezdekıı de qazaq tilin jetik biledi. Maqaldatyp sóıleıtin jigittiń memlekettik tilge degen qurmeti zor.  Bir qyzyǵy, qos tilde bilim beretin mektepte qazaq tilin Gennadııdiń ózi tańdapy  Gennadıı Vezdekıı, Bulandy aýdandyq polıııa bóliminiń jedel ýákili:  – Men bala kezimnen ákem men anam qaıtyp, balalar úıinde ósip edim. Sol jerde men ózim qazaq tilin tańdap, qazaq tilinde oqydym. Qazaq tili óte baı, ádemi til. Sol úshin oqýymdy bitirip, polıııaǵa jumysqa kirdim.  Qazaq tilin bilgesin bul salada jumys isteý ońaı bolyp jatyr.  Jalpy aımaqta qazaqtyń tili men dástúrin meńgergen ózge ult ókilderi barshylyq. Jyl sanap  qatary kóbeıip keledi. Sondyqtan memlekettik tildi úıretetin oqý ortalyqtaryna suranys artqan. Qazir oblys boıynsha  21 ortalyq jumys isteıdi.