اقمولا وبلىسىندا مۇعالىمدەر مەكتەپتە توبەلەس شىعارىپ, سوڭى وتامەن اياقتالدى

قوسشىدا تاريح ءپانى مەن ماتەماتيكادان بەرەتىن مۇعالىمدەر ءبىر-بىرىمەن جانجالداسىپ توبەلەس شىعاردى. بىرەۋىنىڭ جاعى سىنىپ, ەكىنشىسى كوگەرۋ جاراقاتتارىن العان ولار توبەلەسكە ءبىر-ءبىرىن كىنالاۋدا, دەپ حابارلايدى Qandastar.kz اقپارات پورتالى 7-ارناعا سىلتەمە جاساپ. 

تاريح جانە ماتەماتيكا مۇعالىمدەرى اراسىنداعى توبەلەس ءساۋىر ايىندا مەكتەپ سپورتزالىندا بولعان. بىراق مۇعالىمدەر پوليتسياعا ەكى ايدان كەيىن عانا جۇگىنگەن.

“مەن جاي عانا امانداسقىم كەلگەن. بىراق بايقاماي قولىم ارىپتەسىمنىڭ بەتىنە ءتيىپ كەتىپتى. ول قولىن بۇلعاپ, كەيىن سپورتزالعا شاقىردى. كەلگەنىمدە بەتىمنەن ۇرىپ جىبەردى”, – دەدى قوسشى قالاسى مەكتەپ-ليتسەيىنىڭ مۇعالىمى بەكارىس جاقسىباەۆ.

بەكارىستىڭ ايتۋىنشا, ارىپتەسىنىڭ سوققىسى كۇشەيىپ, سالدارىنان جاعى سىنىپ, اۋىر جاراقات العان. كەيىن استاناعا ەمدەلۋگە جىبەرىلىپ, وتا جاساتقان.

الايدا تاريح ءپانىنىڭ مۇعالىمى ءىلياس يبراگيم بولسا ونىڭ ءسوزىن جوققا شىعارىپ وتىر. ايتۋىنشا كەرىسىنشە, ءوزى قۇربان بولعان. ءتىپتى فيزيكالىق تۇرعىدان عانا ەمەس, بەدەلىنە دە زيان كەلگەن.

“مەن ەشكىمدى ۇرعان جوقپىن. دەنە شىنىقتىرۋ مۇعالىمدەرى ءبىزدى اجىراتىپ جاتقاندا, ول مەنى ۇردى. مۇرنىم سىنعان, ءالى دە ءىزى بار. بۇكىل بەتىم كوگەردى”, – دەدى  ءىلياس يبراگيم.