جاڭالىقتار
اقمولا وبلىسىندا تاسقىن كەزىندە 152 باس مال قىرىلدى
ءتورت ت ۇلىكتىڭ شىعىنى تەك بۇلاندى اۋدانىندا تىركەلگەن. اسىرەسە قىردان كەلگەن قارعىن سۋ كاپيتون, جۋراۆلەۆ جانە يۆانكوۆ اۋىلدارىنداعى قورا-قوپسىنى تۇگەل جايپاپ وتكەن. قۇتقارۋشىلار اۋىل تۇرعىندارىن ارەڭ ەۆاكۋاتسيالاپ ۇلگەرگەن ەدى. ال قىرىلعان مالدىڭ ولەكسەسى جويىلدى, – دەيدى ماماندار. جالپى تاسقىن كەزىندە وڭىردە 10 مىڭنان استام مال قاۋىپسىز جەرگە جەتكىزىلدى.
قازىر مال شىعىنى ەسەپتەلىپ جاتىر. دۋلات سەردالى, وبلىستىق اۋىل شارۋاشىلىعى باسقارماسى باسشىسىنىڭ ورىنباسارى: — بۇلاندى اۋدانىندا كوميسسيا قۇرىلدى. شىعىنداردى وتەۋ اكتىسى جاسالىپ جاتىر. ەندى توتەنشە جاعداي رەجيمى جاريالانعاننان كەيىن شىعىندى وتەۋدىڭ رەگلامەنتى بار. كوميسسيا اكتىلەردى قابىلدايدى جانە مالداردىڭ شىعىن كولەمى باعالانىپ, باعالانعان كولەم تولىقتاي وتەلەتىن بولادى.
