AQMOLA OBLYSYNDA TASQYN KEZINDE 152 BAS MAL QYRYLDY

Tórt túliktiń shyǵyny tek Bulandy aýdanynda tirkelgen. Ásirese qyrdan kelgen qarǵyn sý Kapıton, Jýravlev jáne Ivankov aýyldaryndaǵy qora-qopsyny túgel jaıpap ótken. Qutqarýshylar aýyl turǵyndaryn áreń evakýaııalap úlgergen edi. Al qyrylǵan maldyń óleksesi joıyldy, – deıdi mamandar. Jalpy tasqyn kezinde óńirde 10 myńnan astam mal qaýipsiz jerge jetkizildi.

Qazir mal shyǵyny eseptelip jatyr. Dýlat Serdáli, oblystyq aýyl sharýashylyǵy basqarmasy basshysynyń orynbasary: — Bulandy aýdanynda komıssııa quryldy. Shyǵyndardy óteý aktisi jasalyp jatyr. Endi tótenshe jaǵdaı rejımi jarııalanǵannan keıin shyǵyndy óteýdiń reglamenti bar. Komıssııa aktilerdi qabyldaıdy jáne maldardyń shyǵyn kólemi baǵalanyp, baǵalanǵan kólem tolyqtaı óteletin bolady.