Aqmola oblysynda jetim balaǵa arnalǵan páterde basqa adam zańsyz turǵan

Foto: ǵalamtor

Aqmola oblysynyń prokýratýrasy jetim balalardyń turǵyn úıge qatysty quqyqtarynyń buzylǵany týraly derekterdi anyqtaǵanyn málimdedi, dep habarlaıdy Qandastar.kz aqparat portaly.

Qoldanystaǵy zańnamaǵa sáıkes jetim balalardyń baspana alýǵa birinshi kezektegi quqyǵy bar. Búgingi tańda prokýratýra aktileri boıynsha 42 jetim bala men ata-anasynyń qamqorlyǵynsyz qalǵan balalardyń turǵyn úı quqyqtary qalpyna keltirildi.

Páterlerdi qaıtarý, kezekten zańsyz alý, turǵyn úı alýǵa ótinimderdi qabyldaý jáne t. b. máseleler boıynsha sharalar qabyldandy.

«Mysaly, oblys ortalyǵynda jetim bala ótinim berý kezinde eshqandaı negizsiz kezekke qoıýdan bas tartyldy. Basqa jaǵdaıda, aýdan ortalyqtarynyń birinde 2 jastaǵy jetim balaǵa arnalǵan páterde bógde adam turǵan. Qadaǵalaý aktisi boıynsha jetim balalardyń quqyqtary qalpyna keltirildi. Kináliler jazalandy», — dep málimdedi prokýrorlar.