اقمولادا 700 اۆتوكولىك كەپتەلىستە قالدى

فوتو: اشىق دەرەككوز

اقمولا وبلىسىندا اۋا رايىنىڭ قولايسىز جاعدايلارىنا بايلانىستى جولدا 700-دەن استام كولىك كەپتەلىسىندە قالىپ قويعان, – دەپ حابارلايدى qandastar.kz

كولىكتەردى تۇنگى ۇشكە دەيىن كەزەكشىلىكتە تۇرعان ءتارتىپ ساقشىلارى كوللونامەن شىعارىپ سالۋعا ءماجبۇر بولعان.

الايدا, پوليتسيانىڭ مالىمەتىنشە, مەرەكەدەن كەيىن كولىكتەردىڭ كوپ جۇرۋىنە بايلانىستى تۇنگى ۇشكە دەيىن دامىلسىز كەزەكشىلىك اتقارۋعا ءماجبۇر بولىپتى. پوليتسيا قوزعالىس قاۋىپسىزدىگىن قامتاماسىز ەتىپ, بىرقاتار جۇرگىزۋشىلەرگە قاجەتتى كومەك كورسەتكەن.

— اۋا رايى جاعدايى اسا قيىن تۇك كورىنبەيتىن بوران بولعاندىقتان قوزعالىستى ۇيىمداستىرۋ ءۇشىن 49 قىزمەتكەردەن تۇراتىن ءپاترۋلدى پوليتسيا مەن 20 قىزمەتتىك اۆتوكولىكتەر جۇمىلدىرىلدى. كولىك كەپتىلىسى تۋىنداعاندىقتان كولوننا ءتۇزىپ ششۋچينسك قالاسىنان استاناعا دەيىن جانە كەرى قاراي جەتكىزىپ سالۋعا شەشىم قابىلداندى. جالپى سانى 700-گە جۋىق ونىڭ ىشىندە 500 جەڭىل كولىك پەن 200 جۇك كولىگى دىتتەگەن باعىتىنا امان-ەسەن جەتتى, – دەيدى پوليتسيانىڭ ءباسپاسوز قىزمەتىنەن.

پوليتسيا اۋا رايى ناشارلاعان تۇستا جولعا شىقپاي, جول جابىلعانى تۋرالى ەسكەرتپەلەردى ەلەۋسىز قالدىرماۋدى سۇرايدى.