اقمولادا اكەسى مەن بالاسىنا نايزاعاي ءتۇسىپ, مەرت بولدى

فوتو: Pixabay

قايعىلى وقيعا 1 ماۋسىم كۇنى اقمولا وبلىسىنىڭ زەرەندى اۋدانىندا بولدى, دەپ حابارلايدى Qandasta.kz اقپارات پورتالى Kazinform-عا سىلتەمە جاساپ.

بار اقپاراتقا سايكەس, 37 جاستاعى ەر ادام مەن ونىڭ 9 جاستاعى ۇلى مال باعىپ جۇرگەن كەزدە نايزاعاي تۇسكەن. نايزاعايدىڭ جارقىلى ەكەۋىنە دە اجال قۇشتىردى.

اقمولا وبلىسى پوليتسيا دەپارتامەنتىنىڭ حابارلاۋىنشا, زەرەندى اۋدانى تۇرعىنى مەن ونىڭ كامەلەتكە تولماعان ۇلىنىڭ قازا بولۋىنا بايلانىستى قىلمىستىق ءىس قوزعالدى.

– قايعىلى وقيعانىڭ ءمان-جايىن انىقتاۋ بويىنشا شارالار جۇرگىزىلىپ جاتىر. تەكسەرۋ ناتيجەسى بويىنشا سوڭعى پروتسەسسۋالدىق شەشىم قابىلدانادى, – دەپ اتاپ ءوتتى ۆەدومستۆودان.

بۇعان دەيىن اقتوبەدە ءبىر اپتا بۇرىن جوعالىپ كەتكەن دارىگەردىڭ ءمايىتى تابىلعانى حابارلانعان. پوليتسيا بۇل فاكتى بويىنشا دا قىلمىستىق ءىس قوزعاعان.