جاڭالىقتار
اقمولاداعى مەشىتتە گاز جارىلىپ, ءۇش ادام قازا تاپتى
فوتو: ۆيدەو سكرين
اقمولا وبلىسىنداعى مەشىتتە گاز جارىلىپ, ءۇش ادام قازا تاپتى. 16 ادام زارداپ شەكتى, دەپ جازدى qandastar.kz
سابىندى اۋىلىنداعى جارىلىس سالدارىنان عيمارات تولىعىمەن قيراعان. ءۇيىندى استىنان ەر ادامنىڭ, ايەل ادامنىڭ جانە 12 جاسار بالانىڭ مايىتتەرى تابىلدى.
تاعى 16 ادام جاراقات الىپ, استانا قالالىق اۋرۋحاناسىنا جەتكىزىلدى. قازىر ۇيىندىلەردى تازارتۋ جۇمىستارى جۇرگىزىلىپ جاتىر. ءۇيىندى استىنان قۇتقارۋشىلار التى گاز باللونىن شىعاردى.
“وبلىستىق تجد قۇرامىنان 30 قۇتقارۋشى مەن 5 تەحنيكا, سونداي-اق جەدەل-قۇتقارۋ جاساعىنىڭ, اپاتتار مەديتسيناسى ورتالىعىنىڭ قىزمەتكەرلەرى, پسيحولوگتار مەن كينولوگتار وقيعا ورنىندا جۇمىس ىستەپ جاتىر”, – دەپ حابارلادى ايماقتاعى تجد.
ايماقتىق دەپارتامەنتتىڭ بازاسىندا جەدەل شتاب قۇرىلدى.
