Aqmoladaǵy meshitte gaz jarylyp, úsh adam qaza tapty

Foto: vıdeo skrın

Aqmola oblysyndaǵy meshitte gaz jarylyp, úsh adam qaza tapty. 16 adam zardap shekti, dep jazdy qandastar.kz

Sabyndy aýylyndaǵy jarylys saldarynan ǵımarat tolyǵymen qıraǵan. Úıindi astynan er adamnyń, áıel adamnyń jáne 12 jasar balanyń máıitteri tabyldy.

Taǵy 16 adam jaraqat alyp, Astana qalalyq aýrýhanasyna jetkizildi. Qazir úıindilerdi tazartý jumystary júrgizilip jatyr. Úıindi astynan qutqarýshylar alty gaz ballonyn shyǵardy.

“Oblystyq TJD quramynan 30 qutqarýshy men 5 tehnıka, sondaı-aq jedel-qutqarý jasaǵynyń, Apattar medıınasy ortalyǵynyń qyzmetkerleri, psıhologtar men kınologtar oqıǵa ornynda jumys istep jatyr”, – dep habarlady aımaqtaǵy TJD.

Aımaqtyq departamenttiń bazasynda jedel shtab quryldy.