جاڭالىقتار
اقمولالىق ماس كۇيىندە پويىزدى توقتاتقان
اقمولا وبلىسىنىڭ تۇرعىنى ماس كۇيىندە پويىزدىڭ توقتاۋ كرانىن ج ۇلىپ الىپ, اپاتتى جاعدايدا توقتاۋىنا سەبەپشى بولدى, دەپ حابارلايدى qandastar.kz
كولىكتەگى پوليتسيا دەپارتامەنتىنىڭ قىزمەتكەرلەرى تەمىرجول كولىگى وبەكتىلەرىندە قوعامدىق ءتارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ بويىنشا جۇمىستاردى بەلسەندى جۇرگىزۋدە.
2025 جىلدىڭ 4 ايىندا جولاۋشىلار پويىزدارىندا اكىمشىلىك قۇقىق بۇزۋشىلىق جاساعان 273 ادامدى ءتۇسىرىپ العان.
ونىڭ ىشىندە الكوگولدىك ىشىمدىكتەردى ىشكەنى نەمەسە قوعامدىق ورىندارعا ماساڭ كۇيىندە كەلگەنى ءۇشىن 254 فاكت, شەتەل ازاماتتارى مەن ازاماتتىعى جوق ادامداردىڭ قازاقستان رەسپۋبليكاسىنىڭ كوشى-قون زاڭناماسىن بۇزعانى ءۇشىن 11 فاكت, ۇساق بۇزاقىلىق جاساعانى ءۇشىن 8 فاكت.
ماسەلەن, وتكەن دەمالىس كۇندەرى اتباسار — نۇرلى-جول باعىتى بويىنشا كەلە جاتقان ەلەكتر پويىزىندا 43 جاستاعى ەر ادامنىڭ ماس كۇيىندە توقتاتۋ-كرانىن تارتىپ ج ۇلىپ الۋى, جىلجىمالى قۇرامنىڭ اپاتتى توقتاۋىنا اكەپ سوقتى.
قۇقىق بۇزۋشى قر اقبتك-ءنىڭ بىردەن ەكى بابى بويىنشا, ياعني الكوگولدىك ىشىمدىكتەر ىشكەنى نەمەسە قوعامدىق ورىنعا ماساڭ كۇيىندە كەلگەنى, تەمىرجول كولىگىن پايدالانۋ ەرەجەلەرىن بۇزعانى ءۇشىن جاۋاپقا تارتىلدى.
كولىك پوليتسەيلەرى جولاۋشىلاردىڭ پويىزدار مەن ۆوكزالداردا قوعامدىق ءتارتىپتى ساقتاۋ قاجەتتىلىگىنە باسا نازار اۋدارادى. بارلىق قۇقىق بۇزۋشىلىقتار تىركەلىپ, زاڭمەن كوزدەلگەن جاۋاپكەرشىلىككە اكەپ سوعادى.
